សូមបញ្ជាក់ជូនថាក្រុមហ៊ុននឹងធ្វើការកែច្នៃផលិតផលកប្បាសនេះជាអំបោះសម្រាប់ផ្គត់ផ្គង់ឲ្យរោងចងក្រងវាយនភ័ណ្ឌធ្វើជាក្រណាត់រួចផ្គត់ផ្គង់ឲ្យរោងចក្រកាត់ដេរសំលៀកបំពាក់នៅទូទាំងពិភពលោកចំនួន១២ ក្នុងចំណោមនោះមាន ២ ដែលកំពុងដំណេីរកានៅកម្ពុជាគឺរោងចក្រ Jincheng Garment Factory និង Hengyu Garment Factory ក្នុងខេត្តពោធិ៍សាត់ផងដែរ។

នាឱកាសនេះ ឯកឧត្តមរដ្ឋមន្ត្រីបានវាយតម្លៃខ្ពស់កិច្ចខិតខំប្រឹងប្រែងរបស់ថ្នាក់ដឹកនាំ បុគ្គលិក កម្មកររបស់់ក្រុមហ៊ុនដែលបានខិតខំយកចិត្តទុក និងស្មារតីទទួលខុសត្រូវក្នុងការដាំសាកពិសោធន៍ដំណាំកប្បាសសម្រេចទទួលបានជោគជ័យយ៉ាងគាប់ប្រសើរ។ នេះជាជោគជ័យជំហានដំបូង នៅមានការងារជាច្រើនដែលត្រូវអនុវត្តបន្ត ធ្វើយ៉ាងណាឈានទៅសម្រេចគោលដៅចំបងរបស់ក្រុមហ៊ុននាពេលអនាគត។ ហេតុនេះ ឯកឧត្តមរដ្ឋមន្ត្រីបានណែនាំឲ្យក្រុមហ៊ុនសហការជាមួយអគ្គនាយកកសិកម្ម មន្ទីរកសិកម្ម រុក្ខាប្រមាញ់និងនេសាទខេត្ត និងអាជ្ញាធរដែនដីដើម្បីរួមសហការគ្នាដោះស្រាយបញ្ហា និងបន្តអនុវត្តផែនការសកម្មភាពសំខាន់ៗឈានទៅធ្វើការអភិវឌ្ឍវិស័យផលិតកម្មកប្បាសជាលក្ខណប្រព័ន្ធខ្សែចង្វាក់ផលិតកម្ម (ដាំ ប្រមូលផល កែច្នៃ និងប្រើប្រាស់) នៅកម្ពុជាឲ្យមានការរីកចម្រើននាពេលអនាគតដ៏ខ្លី។

សូមបញ្ជាក់ជូនផងដែរថាក្រុមហ៊ុនបានចុះ អនុស្សរណៈយោគយល់គ្នាជាមួយក្រសួងកសិកម្ម រុក្ខាប្រមាញ់ និងនេសាទ ក្នុងអំឡុងដំណើរទស្សនកិច្ចរបស់ឯកឧត្តមរដ្ឋមន្រ្តីកាលពីថ្ងៃទី២២ ខែវិច្ឆិកា ឆ្នាំ២០១៨ ដើម្បីអភិវឌ្ឍវិស័យផលិតកម្ម និងកែច្នៃកប្បាសនៅកម្ពុជា ហើយកិច្ចសហប្រតិបត្តិការនេះបាននិងកំពុងលូតលាស់ ផ្តល់ជាផ្លែផ្កាគួរជាទីមោទន ហើយឯកឧត្ដមរដ្ឋមន្ត្រី ក៏ដូចជាក្រុមហ៊ុនសង្ឃឹម និងជឿជាក់ថាវិស័យផលិតកម្ម និងកែច្នៃកប្បាសនឹងពិតជាទទួលបានជោគជ័យដូចការរំពឹងទុក។