ថ្ងៃសៅរ៍១រោចខែភទ្របទ ឆ្នាំកុរ ឯកស័ក ពស ២៥៦៣ត្រូវនិងថ្ងៃទី១៤ ខែ កញ្ញា ឆ្នាំ២០១៩ លោក ជុំ ភ្លូ អនុប្រធានការិយាល័យគ្រឿងយន្តកសិកម្ម និងជាមន្រ្តីបច្ចេកទេសផលិតពូជនៃគម្រោងRIAPIP  បានចុះតាមសហគមន៍ចំនួន០២ ៖សហគមន៍កសិកម្មបាក់ចិញ្ចៀន ភូមិឫស្សី ឃុំបាក់ចិញ្ចៀន ស្រុកភ្នំក្រវាញ និងសហគមន៍វត្តលួុង ភូមិវត្តលួុង សង្កាត់លលកស ក្រុងពោធិ៍សាត់ ដើម្បីពិនិត្យមើលការលូតលាស់នៃសំណាបដាប៉ុក ការលូតលាស់នៃសន្ទូង ការថែទាំតាមបច្ចេកទេស និងបាញ់ស្លាកសញ្ញា (RIAPIP)នៅលើឧបករណ៍ ធុងបាញ់ថ្នាំ  វាស់សំណើម និងត្រួតពិនិត្យសំភារៈ ដែលគម្រោងផ្តល់អោយ ជាពិសេស ក្រុមការងារចុះពន្យល់ និងអនុវត្តការដកស្មៅ បន្ថែមទៀត។