ថ្ងៃអង្គារ៍៩រោច ខែអស្សុជ ឆ្នាំកុរ ពស ២៥៦៣ ត្រូវនិងថ្ងៃទី២២ខែតុលា ឆ្នាំ ២០១៩ លោក ឡាយ វិសិដ្ឋ ប្រធានមន្ទីរ បានចូលរួម ពិធីចែកស្រូវពូជសែនក្រអូបដល់កសិករដែលជួបបញ្ហាគ្រោះរាំងស្ងួតចំនួន០៤ភូមិ ឃុំស្វាយដូនកែវ ចំនួន៥១១គ្រួសារ ស្មើ៥១តោន១០០គក្រ ក្នុងវិទ្យាល័យអូរតាប៉ោងក្រោមអធិបតីភាព ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ រួមជាមួយឯកឧត្ដម ម៉ក់រ៉ា ប្រធានក្រុមប្រឹក្សាខេត្ត ឯកឧត្តម តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តំណាងគណៈកម្មាធិការគ្រប់គ្រងគ្រោះមហន្តរាយថ្នាក់ជាតិ អភិបាល អភិបាលរងស្រុក និងមន្ទីរ ជុំវិញខេត្ត និងបានចុះពិនិត្យស្ថានភាព ការប្រមូលផលស្រូវ និងប្រព័ន្ធធារាសាស្ត្រស្រោចស្រពប្រឡាយមេដំណក់អំពិល ក្នុងភូមិសាស្ត្រប៉ែកខាងលើ របស់ស្រុកបាកាន និងចុះដោះស្រាយជូនប្រជាពលរដ្ឋដែលទទួលការប៉ះពាល់នៅត្រង់ចំណុចបឹងស្តុក ឃុំផ្ទះរុង ស្រុកតាលោសែនជ័យ ដោយការដ្ឋានសាងសង់ប្រឡាយដំណក់ឈេីក្រំ។ ក្នុងខណៈនោះឯកឧត្ដម បានស្នើឲ្យមន្ទីរធនធានទឹកនិងឧតុនិយមខេត្ត រដ្ឋាភិបាលស្រុកតាលោសែនជ័យ និងអ្នកម៉ៅការ ការដ្ឋានសហការ គ្នាជួយសម្រួលរំដោះទឹកចេញពីតំបន់នេះ ដើម្បីកុំឲ្យខូចខាតផលដំណាំរបស់ប្រជាពលរដ្ឋ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម