ថ្ងៃសៅរ៍៤កើត ខែ មិគសិរ ឆ្នាំកុរ ពស ២៥៦៣ ត្រូវនឹងថ្ងៃទី ៣០ ខែ វិច្ឆិកា ឆ្នាំ ២០១៩ លោក ហៃ ធូរ៉ា អនុប្រធានមន្ទីរ តំណាង លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ រួមជាមួយថ្នាក់ដឹកនាំការិយាល័យ ០៣រូប បានចូលរួម ពិធីអបអរសាទរខួបលើកទី៤១នៃថ្ងៃកំណើតសហភាពសហព័ន្ធយុវជនកម្ពុជា(០២ ធ្នូ ១៩៧៨ ០២ ធ្នូ ២០១៩) ដែលប្រារព្ធធ្វើនៅលើផ្លូវខាងមុខសាលាខេត្ត ក្រោមវត្តមានឯកឧត្តម ឈុន សុង ទីប្រឹក្សារាជរដ្ឋាភិបាល និងលោក អ៊ឹង គឹមលាង អភិបាលរងនៃគណៈអភិបាលខេត្ត ព្រមទាំងយុវជនចូលរួមជាង១០០០នាក់មកពីក្រុងនិងស្រុកទាំងអស់ក្នុងខេត្តពោធិ៍សាត់។កម្មវិធីនេះក្នុងគោលបំណងឲ្យសមាជិកសមាជិការនិងយុវជនទូទៅបាន យល់ច្បាស់ពីប្រវត្តិ  បុព្វហេតុ និងពលិកម្មរបស់អតីតយុវជនកម្ពុជា។ ពង្រឹងសាមគ្គីភាព ឯកភាព និងបុព្វហេតុរបស់សហភាពសហព័ន្ធយុវជនកម្ពុជា ដល់សមាជិក សមាជិការ និងរចនាសម្ព័ន្ធគ្រប់លំដាប់ថ្នាក់  បន្តចូលរួមចំណែកឲ្យកាន់តែមានប្រសិទ្ធិភាពក្នុងបុព្វហេតុសង្គម តាមរយៈការពង្រឹងសមត្ថភាពយុវជន ឲ្យក្លាយជាអ្នកបន្តវេនដ៍រឹងមាំសម្រាប់កម្ពុជានាពេលអនាគតដ៍រុងរឿង សម្រាប់យើងទាំងអស់គ្នា។