ថ្ងៃព្រហស្បត្តិ៍០១រោច ខែមិគសិរ ឆ្នាំកុរ ពស ២៥៦៣ ត្រូវនឹងថ្ងៃទី ១២ ខែ ធ្នូ ឆ្នាំ ២០១៩ លោក ឡាយ វិសិដ្ឋ ប្រធានមន្ទីរបានដឹកនាំកិច្ចប្រជុំពង្រឹង  ការងារវិស័យជលផលក្នុងខេត្តពោធិ៍សាត់ ដែលមានការអញ្ជើញចូលរួមពី លោក ហៃ ធូរ៉ា អនុប្រធានមន្ទីរ លោក ភុំ វិមល នាយ
ខណ្ឌរដ្ឋបាលជលផល លោក នាយរងខណ្ឌរដ្ឋបាលជលផល នាយ-នាយរងផ្នែក និងនាយ-នាយរងសង្កាត់រដ្ឋបាលជលផលទាំងអស់សរុប១២នាក់។ 
គោលបំណង និងខ្លឹមសារនៃកិច្ចប្រជុំរួមមានៈស្វែងយល់ពីស្ថានភាព និងលទ្ធផលការងារបង្ក្រាបបទលើ្មសជលផល,បញ្ហាប្រឈមនានា និងដំណោះស្រាយនៃការអនុវត្ត,បញ្ហាសារព័ត៌មានចុះផ្សាយ ,ផែនការអនុវត្តបន្តសម្រាប់ពង្រឹងការងារបន្ថែម។ជាលទ្ធផលនៃកិច្ចប្រជុំបានឯកភាពចំណុចជារួមៈ១.ស្រាវជ្រាវ និងបង្កើតក្រុមការងារទប់ស្កាត់បទល្មើសជលផល ២.ស្រាវជ្រាវប្រភពអ្នកប្រើប្រាស់អូន ឈឹបយន្ត យ៉ាងកាវ ដើម្បីសុំគោលការពីគណៈបញ្ជាការឯកភាពស្រុកក្នុងការដកហូត វត្ថុតាងបទល្មើស   ៣.គ្រប់កិច្ចប្រជុំគណៈបញ្ជាការឯកភាពត្រូវរាយការណ៍លទ្ធផលការងារ និងលើកបញ្ហា សំណូមពរជាកញ្ចប់ដើម្បីសុំជួយអន្តរាគមន៍ ៤.សហការជាមួយនាយកដ្ឋានអភិរក្សក្នុងការស្នើសុំគាំទ្រសកម្មភាពអភិរក្សនៅតំបន់ការពារធនធានជលផល ៥.សុំក្រុមការងារអនុវត្តតាមច្បាប់ជលផល បើមានបញ្ហាចាំដោះស្រាយក្រោយ ៦.ក្នុងករណីបើកកាណូតឡូតិ៍អភិរក្សត្រូវហាមឃាត់ និងផាកវិន័យប្រសិនបើមិនរាងចាល៧.កំណត់មុខសញ្ញាជនល្មើស និងដកហូតវត្ថុតាង ៨.សហការជាមួយអ្នកសារព័ត៌មាន និងទំនាក់ទំនងប្រកបដោយសេចក្តីថ្លៃថ្នូរ ៩.សាមគ្គីភាពផ្ទៃក្នុង ស្មោះត្រង់ និង គិតប្រយោជន៍អង្គភាពជាធំ។