ថ្ងៃច័ន្ទ ១១រោច ខែបុស្ស ឆ្នាំកុរ ពស ២៥៦៣ ត្រូវនិង ថ្ងៃទី ២០ ខែ មករា ឆ្នាំ២០២០ លោក ហៃ ធូរ៉ា អនុប្រធានមន្ទីរ បានចូលរួមពិធី បើកវគ្គបណ្តុះបណ្តាលដំបូងដល់មន្ត្រីក្របខ័ណ្ឌថ្មីឆ្នាំ២០១៩ ចំនួន១២០រូប នៅទីស្តីការក្រសួងកសិកម្ម រុក្ខាប្រមាញ់និងនេសាទ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដោយមានការអញ្ជើញចូលរួមផងដែរពីសំណាក់ ឯកឧត្តម លោកជំទាវ រដ្ឋលេខាធិការ ឯកឧត្តម លោក លោកស្រី ជាប្រធានអង្គភាព/មន្ទីរ និងមន្ត្រីរាជការ ចំណុះក្រសួងកសិកម្ម រុក្ខាប្រមាញ់ និង នេសាទ សរុបចំនួន២៨៤រូប ប្រកបដោយស្មារតីសាមគ្គី និងសប្បាយរីករាយ។