ថ្ងៃអង្គារ០១កើត  ខែ ចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៤ ខែ មីនា ឆ្នាំ ២០២០ លោក ឡាយ វិសិដ្ឋ ប្រធានមន្ទីរ បានដឹកនាំកិច្ចពិភាក្សារបស់ ក្រុមការងារផ្សព្វផ្សាយពូជស្រូវ នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទដែល មានការអញ្ជើញចូលរួមពីលោក លោកស្រី ថ្នាក់ដឹកនាំមន្ទីរ ប្រធានអនុប្រធានការិយាល័យជំនាញ ដែលជាក្រុមការងារសរុប ២៣រូប/ស្រី ០៤រូប ក្នុងគោលបំណងពិភាក្សាលើៈ១.បញ្ហាប្រឈមនានាដែលបានអនុវត្តកន្លងមក ២.ស្តង់ដារពូជស្រូវ និង ទីផ្សារស្រូវចំណី ។ខ្លឹមសារសំខាន់លោកប្រធានអង្គប្រជុំលើកជាគំនិតសំខាន់មួយចំនួនដោយសង្កត់ធ្ងន់នូវចំណុចដូចជាៈ
១.ប្រភេទពូជស្រូវ(ស្រូវកណ្តាលស្រូវស្រាល និងធ្ងន់)
២.អ្វីជាពូជស្រូវសុទ្ធ(ដំណុះ៨៥%-៩០%,ឯកសណ្ឋានភាព,មានវិញ្ញាបនប័ត្រច្បាស់លាស់)
៣.សិក្សាស្រាវជ្រាវពូជតម្រូវទីផ្សារ
៤.វិធីសាស្រ្តនិងយន្តការផ្សព្វផ្សាយ (ត្រូវមានការចូលរួមពីអភិបាល-អភិបាលរងស្រុក ឃុំ និងការិយាល័យកសិកម្ម ធនធានធម្មជាតិ និងបរិស្ថាន) 
៥.បច្ចេកទេសផលិតកម្ម ស្រូវ(ការរៀបចំដី ការជ្រើសរើសពូជ បការថែទាំ និងគ្រប់គ្រងទឹក ការកាត់ពូជលាយ ការប្រើប្រាស់ជីកសិម្ម និងជីធម្មជាតិនិងការប្រើថ្នាំកសិកម្ម... ) 
៦.ទីផ្សារ(តំលៃតាមរោងម៉ាស៊ីន តាមប្រភេទស្រូវ-ប្រភេទ ស្រូវដែលត្រូវការ និង៧. បញ្ឈប់ការប្រើប្រាស់ថ្នាំបាញ់ឱ្យតឿស្រូវ និង ថ្នាំកសិកម្ម ដែលមានធាតុសកម្ម ទ្រីស៊ីក្លាសូល។