ថ្ងៃអង្គារ ៨កើតខែ ចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៣១ ខែ មីនា ឆ្នាំ ២០២០ លោក ឡាយ វិសិដ្ឋ ប្រធានមន្ទីរ
រួមជាមួយលោក កុល ប៊ុនធឿន ប្រធានមន្ទីរស្តីទី មន្ទីរការងារ និងបណ្តុះបណ្តាលវិជ្ជាជីវៈ បានដឹកនាំកិច្ចប្រជុំស្តីពីការបែងចែកក្រុមការងារដើម្បីទៅទទួលពលករមកពីប្រទេសថៃសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ ព្រមទាំងមានការអញ្ជើញចូលរួមពីសំណាក់លោក-លោកស្រីតំណាង មន្ទីរសង្គមកិច្ច អតីតយុទ្ធជន និងយុវនីតិសម្បទា, មន្ទីរការងារ និងបណ្តុះបណ្តាលវិជ្ជាជីវៈ, មន្ទីរកិច្ចការនារី និងមន្ទីរមុខងារ សាធារណៈ រួមទាំងលោក-លោកស្រីជាអនុប្រធានមន្ទីរ និងលោក-លោកស្រីជាប្រធាន អនុប្រធានការិយាល័យជំនាញសរុបចំនួន ៣១រូប ស្រី ០៦រូប។ គោលបំណងនៃកិច្ចប្រជុំរួមមាន ៖ 
១. ការបែងចែកក្រុមការងារ និងវេនសម្រាប់ចុះទៅទទួលពលករ និង ២. ទីតាំងគោលដៅដែលត្រូវចុះទៅទទួលពលករ និងវិធានការការពារខ្លួន។ជាលទ្ធផលនៃកិច្ច អង្គប្រជុំបានសម្រេចនូវគោលការណ៍សំខាន់ៗ រួមមាន៖
១. បានធ្វើការបែងចែកជា ០៦ក្រុម ស្មើនឹង ០៦វេន សម្រាប់ផ្លាស់ប្តូរគ្នាក្នុងការអនុវត្តការងារ
២. ក្រុមការងារដែល ទទួលបន្ទុកត្រូវរៀបចំ សម្ភារបរិក្ខា និង រថយន្តតាមក្រុមរៀងខ្លួន
៣. ការិយាល័យរដ្ឋបាលត្រូវរៀបចំបង្កើតក្រុមតេឡេក្រាម (Telegram) ដើម្បីទំនាក់ទំនង់ការងារ
៤. រៀបចំបេសកកម្មជូនក្រុមការងារដែលត្រូវចុះទៅទទួល
ពលករនៅច្រកព្រំដែន។