ថ្ងៃអង្គារ៍ ៩ រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៤ ខែកក្កដា ឆ្នាំ២០២០ ល្បឿននៃការងារបង្កបង្កើនផលស្រូវ និងដំណាំរួមផ្សំ ដំណាំឧស្សាហកម្មគ្រួសារកសិករ សម្រេចបានដូចខាងក្រោម៖
I.ស្ថានភាពទូទៅនៃការងារបង្កបង្កើនផល ស្រូវរដូវវស្សា និង ដំណាំរួមផ្សំ
ក.ស្ថានភាពទឹកភ្លៀងៈចាប់ពីថ្ងៃទី០៧-១៣ខែកក្កដា ឆ្នាំ ២០២០ គ្រប់បណ្តាស្រុក/ក្រុងទូទាំងខេត្ត មានទឹកភ្លៀងធ្លាក់តាមតំបន់ ធ្វើអោយដំណាំស្រូវនៅតំបន់មួយចំនួននៅមានការស្វិតស្រពោន ជាបណ្តើរៗ ប៉ុន្តែតំបន់ជិតប្រឡាយធំទាំងពីរ និងក្បែដងស្ទឹងស្រូវមានការលូតលាស់ធម្មតា ។
ខ) ការងារបង្កបង្កើនផលស្រូវរដូវវស្សា សម្រេចបានភ្ជួររាស់ដីសរុបចំនួន ១២៦ ៣៩៥ ហ.ត ដោយបាន ប្រើប្រាស់គ្រឿងយន្ត ១២១ ១៥៥ ហ.ត និងដោយគោ-ក្របី ១៤៤ ហ.ត ។ សាប ព្រួស ស្ទូងនិងបុកដាំបានចំនួន ១១១ ៩៥៥ហ.ត ស្មើនឹង ៩៧,៣៥% នៃផែនការ ១១៥ ០០០ ហ.ត ប្រៀបធៀបឆ្នាំ ២០១៩ ចំនួន ១០៥ ៨៧៩ ហ.ត ស្មើ ៩២,០៧% ខ្ពស់ជាងឆ្នាំមុន ៦ ០៧៦ ហ.ត ក្នុងនោះមានស្រូវស្រាល ៥៦ ៧៨៤ ហ.ត ស្រូវកណ្តាល ៣៧ ៨២៣ ហ.ត ស្រូវធ្ងន់១១ ៦១៦ ហ.ត ស្រូវចម្ការ ៨៨៣ ហ.ត និងស្រូវឡើងទឹក ១ ៧៦០ ហ.ត។ចំពោះការប្រមូលស្រូវ( ស្រូវចេញផ្កា ៤៤៥ហ.ត  ស្រូវទុំ២៣ហ.ត និងច្រូតកាត់១៨ហ.ត)
គ) ដំណាំរួមផ្សំ និងសាកវប្បកម្មគ្រួសារកសិករ អនុវត្តបានសរុប ៥០២ហត ស្មើ ៨៣,៥៣% ផែនការប្រចាំឆ្នាំ៦០១ ហ.ត  បើប្រៀបធៀបឆ្នាំ ២០១៩ ចំនួន ៤៩៣ ហ.ត ស្មើ ៨២,០៣% ខ្ពស់ជាងឆ្នាំមុន ០៩ហ.ត ក្នុងនោះបន្លែគ្រប់មុខ ៣១៧ ហិកតា, ឳឡឹក ១០០ ហិកតា, ម្ទេសគ្រប់ប្រភេទ ៦ ហ.ត, ល្ពៅ ៣៣ ហ.ត, ម្នាស់ ៧ ហ.ត និង ដំឡូងជ្វា ៣៩ ហ.ត។
ឃ) ដំណាំឧស្សាហកម្មគ្រួសារកសិករ អនុវត្តបាន ២០ ៣៩៦ ហ.ត ស្មើនិង ១០៣,៥០% ផែនការប្រចាំឆ្នាំ ១៩ ៧០៧ ហ.ត បើប្រៀបធៀបឆ្នាំ ២០១៩ ចំនួន ២៤ ០៦៥ហ.ត ស្មើ ១២២,១១% ខ្ពស់ជាងឆ្នាំមុន ៣ ៦៦៩ ហ.ត ក្នុងនោះដំឡូងមី ១៦ ៤៦១ហ.ត , ពោតក្រហម ២ ១៦៤ ហ.ត, ពោតស ២៦៦ ហ.ត , អំពៅ ១៧២ ហ.ត, ដំណាំល្ង ១៣៣ ហ.ត, សណ្តែកដី ៤០៣ ហ.ត, សណ្តែកបាយ ២៣១ ហ.ត, សណ្តែកអង្គុយ ១៥៨ ហ.ត, សណ្តែកសៀង ៥១ ហ.ត, ត្រាវ ១២០ ហ.ត, សាគូ ៦០ ហ.ត, ខ្ញី ៤៥ ហ.ត និងរមៀត ១៣២ ហិកតា។