ថ្ងៃអង្គារ ៨រោច ខែស្រាពណ៍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ នៅសាលប្រជុំមន្ទីរកសិកម្មខេត្តពោធិ៍សាត់ បានរៀបចំកិច្ចប្រជុំជាមួយអាជីវករពិឃាតជ្រូកនៅសត្តឃាតដ្ឋានក្រុងពោធិ៍សាត់ ដេីម្បីណែនាំអំពី ការអនុញ្ញាតធ្វេីច្បាប់អាជីវកម្មពិឃាតសត្វ(ជ្រូក) ក្រោមអធិបតីភាពលោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ លោក ផាត់ សារុន ប្រធានការិយាល័យផលិតកម្ម និងបសុព្យាបាលនិង លោក គង់ សុគុណ តំណាងអង្គភាពច្រកចេញចូលតែមួយរដ្ឋបាលសាលាខេត្ត ដោយមានការចូលរួមពី លោក ញ៉ែម រដ្ឋា តំណាងម្ចាស់សត្តឃាតក្រុងពៅធិ៍សាត់, មន្ត្រីការិយាល័យផលិតកម្មនិងបសុព្យាបាល និងអាជីវករសរុបចំនួន ៣២រូប។ គោលបំណងនៃកិច្ចប្រជុំរួមមាន : ១.លុបបំបាត់ការពិឃាតសត្វក្រៅសត្តឃាត។ ២.បញ្ឃប់ការពិឃាតសត្វដោយគ្មានច្បាប់អនុញ្ញាត។ ៣.ហាមពិឃាតសត្វនៅថ្ងៃសីល។
អនុសាសន៍របស់លោកប្រធានមន្ទីរៈ
១.មន្រ្តីពេទ្យសត្វត្រូវចុះពិនិត្យសាច់ដែលលក់នៅលើទីផ្សារជាប្រចាំ។
២.អនាម័យសាច់ ផ្លូវ និងសម្ភារ:។
៣.ថ្ងៃសិល៍ត្រូវពិឃាតមុនម៉ោង១២យប់ជាដាច់ខាត។
៤.ម្ចាស់អាជីវកម្មត្រូវបញ្ជូនឈ្មោះកម្មករមកឱ្យមន្ត្រីពេទ្យសត្វ ដេីម្បីងាយស្រួលគ្រប់គ្រង។
៥.រាល់ការដឹកជញ្ជូនត្រូវមានវិញ្ញាបនបត្រអនាម័យ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម