ថ្ងៃអង្គារ ២កើត ខែមិគសិរឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៧ ខែវិច្ឆិកា ឆ្នាំ២០២០ ការិយាល័យផលិតកម្ម និងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ពិនិត្យស្ថានភាពដល់កន្លែងគោកើតជំងឺ នៅភូមិបឹងវាល  ឃុំត្នោតជុំ  ស្រុកក្រគរ ខេត្តពោធិ៍សាត់។ នៅក្នុងភូមិមានគ្រួសារចំនួន០៨ ដែលមានគោឈឺសរុប៩៤ក្បាល ប៉ុន្តែគោនូវមានជំងឺចំនួន៣២ ក្បាលហើយសត្វគោមួយចំនួនបានធូរស្រាលជាបន្តបន្ទាប់ និងស៊ីចំណីបានឡើងវិញ ។ ស្ថានភាពជំងឺ មានរោគសញ្ញាអុតក្តាមគឺ មានគ្រុន ពងដោរ រលាកមាត់ និងច្រវ៉ែកជើង ពិបាកស៊ីចំណី តែវាមិនមានគោងាប់ទេ ។ ក្នុងពេលនោះក្រុមការងារពិនិត្យព្យាបាល បានមួយចំនួន និងបានផ្តល់ថ្នាំដល់ភ្នាក់ងារសុខភាពសត្វភូមិទុកព្យាបាលដំបៅ និងជាពិសេសបានណែនាំអំពីបច្ចេកទេសការចិញ្ចឹមនិងវិធានការការពារជំងឺឱ្យបានទៀងទាត់ ត្រូវស្គាល់និងមានការទំនាក់ទំនងជាមួយភ្នាក់ងារសុខភាពសត្វភូមិជាប្រចាំ។