ថ្ងៃព្រហស្បត្តិ៍៣រោច ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៣ ខែធ្នូ ឆ្នាំ២០២០ លោក ឡាយ វិសិដ្ឋ រួមជាមួយ លោក ភុំ វិមល នាយខណ្ឌរដ្ឋបាលជលផល និងក្រុមការងារកម្មវិធី បានចុះត្រួតពិនិត្យនិងផ្តល់បច្ចេកទេសដល់កសិករចំនួន០២គ្រួសារ ចិញ្ចឹមត្រីអណ្តែង តាមតង់ផ្លាស្ទិចនៅភូមិរបោះរាំង ឃុំអូរតាប៉ោង ស្រុកបាកាន ដែលជាមូលនិធិរបស់រាជ រដ្ឋាភិបាលកូវីត១៩ តាមរយ:ក្រសួងកសិកម្ម រុក្ខាប្រមាញ់ និង នេសាទ និងរដ្ឋបាលជលផលកន្លងមក។ក្រុមការងារបានពិនិត្យជាក់ស្តែងឃើញថារយៈពេល១ខែ៥ថ្ងៃតែប៉ុណ្ណោះការចិញ្ចឹមត្រីមានលក្ខណៈល្អតាមការណែនាំនិងបច្ចេកទេសវារីវប្បកម្មពីជំនាញ មកដល់ពេលនេះត្រីមានទំងន់មធ្យមពី៥-៧ក្បាល/១គ.ក្រ។