ថ្ងៃសុក្រ ១១រោច ខែមិគសិរ ឆ្នាំជូត ទោស័ក ពស.២៥៦៤ ត្រូវថ្ងៃទី១១ ខែ ធ្នូ ឆ្នាំ២០២០ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានអញ្ជើញចូលរួមពិធីទិវាបង្ហាញចំការដំណាំត្រសក់ទ្រើង នៅភូមិអូររំចេក ឃុំត្រពាំងជង ស្រុកបាកាន របស់គម្រោងស្តារឡើងវិញនូវប្រព័ន្ធស្រោចស្រព និងដោះទឹកភាគខាងលិច បឹងទន្លេសាប មានការគាំទ្រថវិកាពីJICA ដែលអនុវត្តដោយមន្ទីរកសិកម្ម រុក្ខាប្រមាញ់ និនេសាទខេត្ត។
កសិករឈ្មោះ លី កុសល អាយុ ៣០ឆ្នាំ ជាម្ចាស់ចំការដំណាំត្រសក់ទ្រើង បានដាំលើផ្ទៃដីទំហំ ១០ អា បានបញ្ជាក់ថា ដំណាំរបស់គាត់នេះអាចប្រមូលផលបានសរុបចំនួន១.៤៥០គ.ក្រ លក់បានក្នុងតម្លៃ ២.០០០៛-៣.៥០០៛ក្នុងមួយគីឡូក្រាម។