ថ្ងៃអង្គារ ១៣រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវថ្ងៃទី
០៨ ខែមិថុនា ឆ្នាំ ២០២១ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានដឹកនាំ ក្រុមការងារ អាជ្ញាធរភូមិ បានចុះសួរសុខទុក្ខបងប្អូនប្រជាពលរដ្ឋ ២ខ្នងផ្ទះ(៥នាក់) ដោយបានការឯកភាពពីក្រុមគ្រូពេទ្យ និងអាជ្ញាធរ បានធ្វើការណែនាំ នឺងតំរូវឱ្យពួកគាត់ធ្វើចត្តាឡីស័កនៅតាមខ្នងផ្ទះរៀងៗខ្លួន នៅភូមិពោធិ៍អណ្តោត សង្កាត់រលាប។ លោកបានធ្វើការណែនាំកុំឱ្យដើរទៅណាមកណាឱ្យក្នុងអំឡុងពេលធ្វើចត្តាឡីស័ក ថែរក្សាសុខភាព ផឹកទឹកក្តៅ ទឹកក្រូចឆ្មា រំហាត់ប្រាណអនុវត្តតាមការណែនាំរបស់ក្រសួងសុខាភិបាល និងវិធាន ៣ការពារ ៣កុំ។ លោកបានពាំនាំអំណោយដ៏ថ្លៃថ្លារបស់ឯកឧត្តមអភិបាលនៃគណៈអភិបាលខេត្ត និងលោកជំទាវ និងក្រុមការងារ ក្នុងមួយគ្រួសារៗ ទទួលបាន អង្ករចំនួន ១០គីឡូក្រាម ត្រីខ ២កំប៉ុង ទឹកសុីអុីវ ២ដប និងក្រុមការងារ មី ២០កញ្ចប់ ទឹកសុទ្ធ២យួរ ដើម្បីជួយសម្រាលក្នុងបន្ទុកជីវភាពខ្វះខាតប្រចាំថ្ងៃក្នុងអំឡុងពេលកំពុងធ្វើចត្តាឡី
ស័កនៅតាមខ្នងផ្ទះ។
*សរុបរួមជាមានៈ
-អង្ករ ២ការ៉ុង=២០គីឡូ
-ត្រី ខ ៤កំប៉ុង
-ទឹកសុីអុីវ ៤ដប
-មី ២០កញ្ចាប់
-ទឹកសុទ្ធ ៤យួ
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម