ថ្ងៃ ពុធ ១៣រោច ខែ បឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវថ្ងៃទី០៧ខែកក្កដា ឆ្នាំ ២០២១ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានដឹកនាំ ក្រុមការងារ អាជ្ញាធរភូមិស្ពានថ្ម ភូមិថ្នល់ជប៉ុន បានចុះសួរសុខទុក្ខបងប្អូនប្រជាពលរដ្ឋដែលមានផ្ទុកជំងឺត្រូវបានសម្រាកព្យាបាលជំងឺ និងអ្នកពាក់ព័ន្ធកំពុងធ្វើចត្តាឡីស័កនៅតាមខ្នងផ្ទះចំនួន៥គ្រួសារ ក្នុងនោះ ភូមិស្ពានថ្ម ៣គ្រួសារ(ផ្សារភួពុយ) ភូមិថ្នល់ជប៉ុន ២គ្រួសារ(កម្មករមកពីភ្នំពេញ) ភូមិថ្នល់បំបែក ៣ គ្រួសារ សរុបស្មើនឹង២៥នាក់។ លោកបានធ្វើការណែនាំកុំឱ្យដើរទៅណាមកណាឱ្យក្នុងអំឡុងពេលធ្វើចត្តាឡីស័កនៅផ្ទះជួយទប់ស្កាត់ការរីករាលដាលជំងឺ ត្រូវពាក់ម៉ាស់ ថែរក្សាសុខភាព ផឹកទឹកក្តៅ ទឹកក្រូចឆ្មា រំហាត់ប្រាណ អនុវត្តតាមការណែនាំរបស់ក្រសួងសុខាភិបាល និងវិធានរបស់រាជរដ្ឋាភិបាលកម្ពុជា ៣ការពារ ៣កុំ។ លោក បាននាំយកអំណោយរបស់ក្រុមការងារ ផ្តល់ជូនក្នុងមួយគ្រួសារៗ ទទួលបាន អង្ករចំនួន ១០គីឡូក្រាម ទឹកត្រី ១ដប ទឹកសុីអុីវ ១ដប មី ១៥កញ្ចប់ ទឹកសុទ្ធ ២យួរ ដើម្បីជួយសំរាលក្នុងបន្ទុកជីវភាពខ្វះខាតប្រចាំថ្ងៃក្នុងអំឡុងពេលធ្វើចត្តាឡី ស័ក នៅតាមខ្នងផ្ទះ។
*សរុបជារួម:
១-អង្ករ ៨០គីឡូក្រាម
២-មី ១២០កព្ចាប់
៣-ទឹកត្រី ៨ដប
៤-ទឹកសុីអុីវ ៨ដប
៥-ទឹកសុទ្ធ ១៣យួ
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម