ថ្ងៃសុក្រ ១៤រោច  ខែកក្ដិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៣ ខែធ្នូ ឆ្នាំ ២០២១ ក្រុមការងារថ្នាក់ជាតិ-ថ្នាក់ខេត្ដ ប្រចាំទិលស្រុកក្រគរ ដឹកនាំដោយ  ឯកឧត្ដម អ៉ិត សុត្ថា អនុរដ្ឋលេខាធិការ ក្រសួងរៀបចំដែនដី នគរូប នីយកម្ម និងសំណង់  លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្ដពោធិ៍សាត់ ដោយមានការអញ្ជើញចូលរួមពីថ្នាក់ដឹកនាំមន្ទីរអង្គភាពពាក់ពន្ធ កងកម្លាំងប្រដាប់អាវុធ និងអាជ្ញាធរមូលដ្ឋាន ចុះពិនិត្យ និងដកហូតដីដែលរុករានទន្ទ្រានដីព្រៃលិចទឹកដោយខុសច្បាប់ បាន ០៣គោលដៅ  នៅឃុំ កំពង់លួង  ស្រុកក្រគរ ។