ថ្ងៃសុក្រ ៣កេីត ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៤ ខែ កុម្ភៈ ឆ្នាំ ២០២២ លោក ផាត់ សារុន ប្រធានការិយាល័យ ផលិតកម្ម និងបសុព្យាបាល បានចុះជាមួយ លោក ស្មឿម ដារ៉ូ មន្ត្រីទទួលបន្ទុកការងារផ្នែកផលិតកម្ម និងបសុព្យាបាល ស្រុកតាលោសែនជ័យដើម្បីប្រជុំភ្នាក់ងារសុខភាពសត្វ នៅភូមិព្រឹក ឃុំតាលោ ស្រុកបាកាន ខេត្តពោធិ៍សាត់ និង ឃុំផ្ទះរុង មានអ្នកចូលរួមសរុបចំនួន ២២នាក់ ។
ខ្លឹមសារ:
1- ពង្រឹងសកម្មភាពដល់ភ្នាក់ងារសុខភាព
សត្វភូមិ និងណែនាំពន្យល់បច្ចេកទេសបន្ថែម
2- សិក្សាអំពីស្ថានភាពជំងឺសត្វតាមភូមិ និងរាយការណ៍
3- ដាក់ផែនការយុទ្ធនាការចាក់វ៉ាក់សាំងបង្ការជំងឺដុំពក
ស្បែក (LSD) គោ ។
- តាមរបាយការណ៍ពីភ្នាក់ងារសុខភាពសត្វភូមិ ស្ថានភាពជំងឺដុំពកស្បែកគោ ក្របី បានចាប់ផ្តើមកើតឡើងពី ខែមករា ឆ្នាំ២០២២ មានលើកូនគោ តាមបណ្តាភូមិ ទូទាំងស្រុកតាលោសែនជ័យ ដែលមានកូនគោឈឺ សរុបចំនួន៥៤ ក្បាល ងាប់០៩ក្បាល (ឈឺ១ទៅ២ ក្បាលក្នុងភូមិ, កូនគោងាប់ដោយដាច់អាហារ) ។
- នឹងចាប់ផ្តើមចាត់វិធានការ ចុះចាក់ វ៉ាក់សាំងបង្ការជំងឺដុំពកនៅពីថ្ងៃទី៦ ខែកុម្ភៈ ឆ្នាំ២០២២ នៅស្រុកតាលោសែនជ័យ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម