ថ្ងៃអង្គារ៍៧កេីត ខែមាឃ ឆ្នាំឆ្លូវ ត្រីសក័ ព.ស ២៥៦៥ ត្រូវនឹងថ្ងៃទី០៨ ខែកុម្ភៈ ឆ្នាំ២០២២ វេលាម៉ោង៨:៣០នាទីព្រឹក មានការរៀបចំកិច្ចប្រជុំផ្សព្វផ្សាយស្ដីអំពីផែនការសកម្មភាព និងថវិកាឆ្នាំ២០២២ (AWPB 2022) នៃកម្មវិធី ASPIRE ក្រោមអធិបតីភាព ឯកឧត្តមបណ្ឌិត មាស ពិសិដ្ឋ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជានាយកកម្មវិធី ASPIRE តាមរយៈប្រព័ន្ធបញ្ជូនរូបភាព និងសំឡេង Zoom Meeting និងមានសមាសភាពចូលរួមពី ក្រុមការងារលេខាធិការដ្ឋាន, ទីប្រឹក្សាផ្នែកថវិការកម្មវិធី, ថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទខេត្ត, ទីប្រឹក្សាគ្រប់គ្រងអនុកម្មវិធី, គណនេយ្យ និងទីផ្សារ ដែលមានសមាសភាពចូលរួមសរុបចំនួន ៦៤នាក់ ។
គោលបំណងនៃកិច្ចប្រជុំនេះគឺ៖
- ផ្សព្វផ្សាយអំពី AWPB 2022 របស់មន្ទីរកសិកម្ម រុក្ខាប្រមាញ់ និងនេសាទខេត្តទាំង២៤
- ពិភាក្សាអំពីលទ្ធផល និងសូចនាករសំខាន់ៗ ដែលត្រូវសម្រេច និងធ្វេីការវាស់វែងក្នុងឆ្នាំ ២០២២
- ផ្សព្វផ្សាយអំពីការត្រៀមរៀបចំការងារមួយចំនួនសម្រាប់ក្រុមបេសកកម្មរៀបចំ ASPIRE-AT ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម