ថ្ងៃសៅរ៍១១ កើត ខែមាឃ ឆ្នាំឆ្លូវ ត្រីស័ក ព.ស ២៥៦៥ត្រូវនឹងថ្ងៃទី១២ ខែកុម្ភៈ ឆ្នាំ ២០២២ នៅស្នាក់ការសង្កាត់រដ្ឋបាលជលផលកណ្ដៀង បានបើកកិច្ចប្រជុំមួយ ក្រោមការដឹកនាំរបស់ លោក ភុំ វិមល នាយខណ្ឌរដ្ឋបាលជលផលពោធិ៍សាត់ ដោយមាន ការចូលរួមពី នាយផ្នែកក្រគរ នាយ-នាយរងសង្កាត់កណ្ដៀង នាយសង្កាត់កំពង់លួង នាយសង្កាត់បាកាន និងសហការីខណ្ឌជលផល ក្នុងកិច្ចប្រជុំបានណែនាំដល់ផ្នែក និងសង្កាត់ឲ្យពង្រឹងការពារបង្រ្កាបបទល្មើសជលផលនៅក្នុងតំបន់អភិរក្សជលផលលេខ០៦ កំពង់ប្រាក់ ជ្រោយស្តី ដីរនាត និងលេខ២ អោយបានជាដាច់ខាត ក្នុងករណីបន្ទាន់ត្រូវរាយការណ៍ជូនគណៈបញ្ជាការឯកភាពស្រុក ខណ្ឌជលផល និងមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ជាបន្ទាន់ដើម្បីដោះស្រាយ ។ ព្រមទាំងអោយផ្នែក-សង្កាត់ អូសបណ្ដែតស្នាក់ការមកដាក់យាមប្រចាំការនៅ តាមតំបន់អភិរក្ស ចំណែកឯស្ថានភាពកម្ពស់ទឹកនៅក្នុងតំបន់អភិរក្សជលផល លេខ០៦ មានកម្ពស់ ជាមធ្យម ២ ម៉ែត្រ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម