ថ្ងៃពុធ ១៥កេីត​ ខែមាឃ​ ឆ្នាំឆ្លូវ​ ត្រីស័ក​ ព.ស​ ២៥៦៥​ ត្រូវ​នឹងថ្ងៃ​ទី១៦ ខែកុម្ភៈ ឆ្នាំ២០២២នេះ  លោក ឡាយ វិសិដ្ឋ ប្រធានមន្ទីរ បានចូលរួម កិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្ត លើកករណីស្នើសុំដី របស់ប្រជាពលរដ្ឋ ចំនួន២០គ្រួសារ ដែលកំពុងកាន់កាប់អាស្រ័យផលលើដីរបស់រដ្ឋ ក្នុងឃុំអូរសោម នឹងត្រូវបានមន្ទីរបរិស្ថានខេត្ត កសាងផែនទីធ្វើការដកហូតក្រោមការដឹកនាំកិច្ចប្រជុំ ដោយ ឯកឧត្តម ជាវ តាយ អភិបាលនៃគណៈអភិបាលខេត្តពោធិ៍សាត់ និងជាប្រធានគណៈកម្មាធិការគ្រប់គ្រងដីរដ្ឋថ្នាក់ខេត្តពោធិ៍សាត់​។ កិច្ចប្រជុំនេះ ត្រូវបានធ្វើឡើងនៅសាលប្រជុំជាន់ទី១ អគាររដ្ឋបាលខេត្ត ដោយបានការអញ្ជើញចូលរួមពី លោកអភិបាលរងនៃគណៈអភិបាលខេត្ត ថ្នាក់ដឹកនាំមន្ទីរអង្គភាពនានា កងកម្លាំងប្រដាប់អាវុធទាំង៣ប្រភេទ ដែលមានក្នុងសមាសភាព គណៈកម្មាធិការគ្រប់គ្រងដីរដ្ឋថ្នាក់ខេត្ត និងតំណាងប្រជាពលរដ្ឋមកពីឃុំអូរសោមជាច្រើននាក់ទៀត។