ថ្ងៃចន្ទ ០៥រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២១ ខែ កុម្ភៈ ឆ្នាំ ២០២២ ក្រុមការងារនៃមន្ទីរកសិកម្ម រុក្ខាប្រមាញ់ និងនេសាទ ខេត្ដពោធិ៍សាត់ ដឹកនាំដោយលោក ភុន សុវណ្ណា នាយផ្នែកក្រគរ រួមមានលោកនាយសង្កាត់ជលផលកំពង់លួង សហកាជាមួយគណៈបញ្ជាការឯកភាពរដ្ឋបាលស្រុកក្រគរដឹកនាំដោយ លោក ខាត់ ពុយ អភិបាលរងស្រុក រួមមាន
កងរាជអាវុធហត្ថខេត្ត-ស្រុកក្រគរ បរិស្ថាន
យោធាខេត្ដ ដោយប្រើកម្លាំងសរុប ១៩នាក់ មធ្យោបាយធ្វេីដំណេីរដោយ កាណូតចំនួន ០៤គ្រឿង បានចេញប្រតិបត្ដិការបង្រ្កាបបទល្មើសនេសាទ នឹងបានប្រទះឃើញមានការលួចធ្វើនេសាទដោយឧបករណ៍ជនរុញដោយកម្លាំងម៉ាស៊ីន និងឈ្នាងអូសលៀសដោយកម្លាំងម៉ាស៊ីន នៅចំនុចព្រំប្រទល់ពោធិ៍សាត់-កំពង់ធំ ជាលទ្ធផលធ្វេីការបង្ក្រាបបាន ០២ ករណី ។
០១ករណីរួមមានវត្ថុតាងដូចខាងក្រោម
- កាណូតបាឡាសំបកស្មាច់ទំហំ ១០មx១,២០មx០,៦០ម ភ្ជាប់ម៉ាស៊ីនម៉ាក
ហ៊ីណូតា កម្លាំង១៨សេះ ចំនួន ០២គ្រឿង
- សាច់ជនទំហំ ៥មx៨មx(០,០៣-០,០៥)ម
- ដងជន ប្រវែង ០៨ ម៉ែត្រ ចំនួន ០២គូ
- ត្រីចំរុះទម្ងន់ ៣០គីឡូក្រាម ។
០១ករណីទៀតមាន
- កន្ត្រងអូសលៀស ចំនួន ១១ គ្រឿង
ចំពោះវត្ថុតាង និងអ្នកប្រព្រឹត្ត ក្រុមការងារបានឯកភាពគ្នា ធ្វើការអប់រំ ណែនាំអោយបឈ្ឈប់ព្រមទាំងអោយត្រឡប់ទៅផ្ទះវិញ និងវត្ថុតាងត្រូវបានដកហូត រក្សាទុកនៅស្នាក់ការសង្កាត់រដ្ឋបាលជលផលកំពង់លួងដេីម្បីកម្ទេចចោល ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម