ថ្ងៃព្រហស្បតិ៍្ត ៨រោច ខែមាឃ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី ២៤ ខែ កុម្ភៈ ឆ្នាំ ២០២២ លោក ហៃ ធូរ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ និងលោក លោកស្រី ប្រធាន អនុប្រធានការិយាល័យ ពាក់ព័ន្ធ អ្នកចូលរួមសរុប១០នាក់ ស្រី ០៤នាក់ ។ បានចូលរួមក្នុងកិច្ចប្រជុំ តាមប្រព័ន្ធ បញ្ជូនរូបភាព និងសម្លេង Zoom Meeting ស្ដីពីកម្មវិធីផ្សព្វផ្សាយបច្ចេកទេសកសិកម្មថ្មី ដែលធន់នឹងការប្រែប្រួលអាកាសធាតុ (ASPIRE) និងការអនុវត្តឧបករណ៍ផ្សព្វផ្សាយកសិកម្ម ក្រោមអធិបតីភាព ឯកឧត្តម ចាន់ សារុទ្ធ ។ គោលបំណង៖ ផ្ដល់សេវាកម្មលេីជំនាញបច្ចេកទេសថ្មីៗដែលមន្ទីរកសិកម្មមិនទាន់មានលទ្ធភាព ឬជំនាញបច្ចេកទេសគ្រប់គ្រាន់ក្នុងការអនុវត្តពីអ្នកផ្ដល់សេវាផ្សព្វផ្សាយខាងក្រៅសំដៅឱ្យកសិករបានទទួលសេវាផ្សព្វផ្សាយ និងលេីកកំពស់ជីវភាពរស់នៅរបស់កសិករ ។ ដោយត្រូវអនុវត្តជំហ៊ានខាងក្រោម៖
- ស្រង់ទិន្នន័យ និងវាយតម្លៃបុរេលក្ខណៈសម្បត្តិអ្នកផ្ដល់សេវា
- រៀបចំតួនាទី និងភារកិច្ចដេីម្បីស្នេីសុំការគាំទ្រពី IFAD
- ការទទួលបានចំណាប់អារម្មណ៍ចំពោះការផ្ដល់សេវា និងការវាយតម្លៃអ្នកផ្ដល់សេវា
- រៀបចំសំណេីរបច្ចេកទេស និងហិរញ្ញវត្ថុរបស់អ្នកផ្ដល់សេវា
- វាយតម្លៃ និងការចរចារកិច្ចសន្យា ចុះកិច្ចសន្យា និងអនុវត្តសកម្មភាព និងធ្វេីរបាយការណ៍
- វាយតម្លៃការអនុវត្តកិច្ចសន្យា តាមតួនាទី និងភារកិច្ច
- ប្រមូលព័ត៌មានត្រឡប់ពីអ្នកពាក់ព័ន្ធ និងដាក់ចូលក្នុងគេហទំព័រផ្សព្វផ្សាយកសិកម្ម ។
