ថ្ងៃសុក្រ ២កេីត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃ០៤ ខែមីនា ឆ្នាំ ២០២២ ក្រសួងបរិស្ថានកម្ពុជា ក្រសួងបរិស្ថានជប៉ុន ទីប្រឹក្សា WEPA ប្រទេសឥណ្ឌូនេស៊ី ក្រុមហ៊ុន CTII លេខាធិការដ្ឋាន WEPA មន្ទីរបរិស្ថាន មន្ទីរកសិកម្ម និងជលផល វិទ្យាស្ថានបច្ចេកវិទ្យាកម្ពុជា សាកលវិទ្យាល័យភូមិន្ទកសិកម្ម បានចូលរួមសិក្ខាសាលាពង្រឹងសមត្ថភាពលើកទី១ លើការវិភាគបែបសារពើភណ្ឌប្រភពបំពុល និងបន្ទុកបំពុល សម្រាប់ការគ្រប់គ្រង បរិស្ថានទឹកប្រកបដោយសុវត្ថិភាព ក្នុងបឹងទន្លេសាប ដោយប្រព័ន្ធវីដេអូពីចម្ងាយ Zoom Meeting ។
ស្ដីពីការវិភាគបែបសារពេីភណ្ឌប្រភពបំណុល និងបន្ទុកបំពុលសម្រាប់ការគ្រប់គ្រងបរិស្ថានទឹកប្រកបដោយសុវត្ថភាព, ការណែនាំពីប្រព័ន្ធសិក្សាបន្ទុកបំពុលអតិបរមា, វឌ្ឍនភាព និងលទ្ធផលបឋមនៃការសិក្សាស្រាវជ្រាវ ពីប្រភពលំនៅឋាន, ឧស្សាហកម្ម, កសិកម្ម និងបសុសត្វ ។
គោលបំណង
១) ពង្រឹងសមត្ថភាពមន្រ្ដីថ្នាក់ក្រោមជាតិលេីកការវិភាគបែបសារពេីភណ្ឌ ប្រភពបំពុន និងបន្ទុកបំពុល តាមរយៈការចែករំលែកបទពិសោធន៍ពីបណ្ដាប្រទេសដែលជាសមាជិក WEPA
២) ចែករំលែកវឌ្ឍនភាពកម្មវិធីសកម្មភាព WEPA សម្រាប់ការគ្រប់គ្រងបរិស្ថានទឹក និងលទ្ធផលបឋមនៃការសិក្សាស្រាវជ្រាវ
៣) ពិភាក្សាមាតិកាសៀវភៅណែនាំបច្ចេកទេសស្ដីពី របៀបកំណត់ប្រភពបំពុលទឹក និងការប៉ាន់ប្រមាណបន្ទុកសារ ធាតុបំពុល ដើម្បីកសាងផែនការគ្រប់គ្រងគុណភាពទឹកបឹងទន្លេសាប ។
រៀបចំកម្មវិធីដោយ
ក្រសួងបរិស្ថានកម្ពុជា សហការជាមួយវិទ្យាស្ថានយុទ្ធសាស្ត្របរិស្ថានសាកលនៃប្រទេសជប៉ុន ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម