ថ្ងៃពុធ ០៧កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ៩ ខែ មីនា ឆ្នាំ ២០២២ ក្រុមការងារគណៈបញ្ជាការឯកភាពរដ្ឋបាលស្រុកក្រគរ ដឹកនាំដោយ លោកខាត់ ពុយ អភិបាលរងស្រុកក្រគរ
ដោយមានការចូលរួមពីសមត្ថកិច្ចខណ្ឌរដ្ឋបាលជលផលពោធិ៍សាត់ មានលោកនាយរងខណ្ឌ
លោកនាយផ្នែក លោកនាយសង្កាត់ យោធាខេត្ត
ប៉ូលីសសេដ្ឋកិច្ចខេត្ត បរិស្ថានស្រុកក្រគរ
កម្លាំង B05 កម្លាំងអធិការដ្ឋានរដ្ឋបាលជលផលខាងត្បូងបឹងទន្លេសាប កងរាជអាវុធហត្ថស្រុកក្រគរ បានតាមប្រមាញ់ទាំងយប់ទាំងថ្ងៃរយៈពេល ០៣ថ្ងៃ ប្រទះឃើញជនសង្ស័យដែលកំពុងលួចនេសាទដោយឧបករណ៍អួនអូសទឹកសាបរួមផ្សំនឹងឆក់ នៅចំណុចកណ្ដាលបឹងទន្លេសាប ហើយបានដេញប្រផាប់ចាប់ប្រភីងដល់ត្រើយម្ខាង ជាលទ្ធផល
- ចាប់ឃាត់ខ្លួនមនុស្ស បានចំនួន ០៨ នាក់
វត្ថុតាងរួមមាន
- បាឡាសំបកឈើភ្ជាប់នឹងម៉ាស៊ីនម៉ាកដេហ្វូចំនួន០៣គ្រឿង
- បាឡាសំបកស្មាច់ ភ្ជាប់ម៉ាស៊ីនម៉ាក
ហ៊ីណូតា ចំនួន ០២គ្រឿង
- បាឡាសំបកស្មាច់ ភ្ជាប់ម៉ាស៊ីនម៉ាកសាំយ៉ុងចំនួន ០១គ្រឿង
- អួនអូសទឹកសាបទំហំ៣០មx២០មx(០,០២-០,០៣)ម ចំនួន ០៤វង់
- ខ្សែអូសទាញចំនួន ០៤ ខ្សែប្រវែង ៤00 ម៉ែត្រ
- ខ្សែភ្លើងរួមផ្សំ ចំនួន ០៤ ប្រវែង ១២០ម
- ត្រីចំរុះទម្ងន់ ២០០គីឡូក្រាម
ចំពោះជនសង្ស័យ នឹងវត្ថុតាង ក្រុមការងារកំពុងបង្កសំណុំរឿងបញ្ជូនទៅតុលាការតាមនីតិវិធីច្បាប់ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម