ថ្ងៃព្រហស្បតិ៍ ៧រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី២៤ ខែមីនា ឆ្នាំ២០២២ លោក ឡាយ វិសិដ្ឋ ​ប្រធានមន្ទីរ រួមជាមួយ លោក អនុប្រធានមន្ទីរ លោក ប្រធាន អនុប្រធានការិយាល័យពាក់ព័ន្ធ បានចូលរួមប្រជុំពិភាក្សា និងពិគ្រោះយោបល់លើគម្រោង ស្ដីពីការ ផ្លាស់ប្ដូរទៅថាមពលព្រះអាទិត្យ នៅការិយាល័យមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ជាមួយក្រុមការងារ អង្គកអង្គការភីពផលអ៉ីននីត (ភីន) ដែលមានអ្នកចូលរួមសរុប០៨ នាក់/ស្រី០១នាក់។ របៀបវារៈនៃកិច្ចប្រជុំមានជារួម:

១.បង្ហាញលទ្ធផលសម្រេចបានក្នុងការអនុវត្តគម្រោងកន្លងមកក្នុងឆ្នាំ ២០២១

២.ផែនការអនុវត្តគម្រោង ផ្លាស់ប្ដូរទៅថាមពលព្រះអាទិត្យក្នុងឆ្នាំ ២០២២ ៣.ពិភាក្សា និងពិគ្រោះយោបល់ដើម្បីធ្វើអោយកាន់តែប្រសើរ លើការអនុវត្តគម្រោង ផ្លាស់ប្តូរទៅថាមពលព្រះអាទិត្យ ក្នុងវិស័យកសិកម្ម និងវារីវប្បកម្ម ។ ក្នុងពេលជាមួយគ្នានេះ ក្រុមការងារបានផ្តល់ជាគំនិត សម្រាប់អនុវត្តក្នុងMOU ដោយសំណូមពរ :

-ពង្រីកតំបន់គោលដៅបន្ថែម

-រៀបចំកិច្ចប្រជុំជាមួយអ្នកពាក់ព័ន្ធនិងគម្រោងដើម្បីស្វែងរកការគាំទ្រ

-ផ្តល់របាយការណ៍លទ្ធផលការងារ ប្រចាំត្រីមាស និង ត្រូវមានការចុៈពិនិត្យ និងជួយគាំទ្រ ពីភាគីមន្ទីរកសិកម្មក្នុងករណីចាំបាច់ ដើម្បីអនុវត្ត អនុស្សារណះយោគយល់ ទទួលបានជោគជ័យ។