ថ្ងៃសៅរ៍ ១កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី២ ខែមេសា ឆ្នាំ២០២២ ឯកឧត្តម វេង សាខុន រដ្ឋមន្រ្តី ក្រសួងកសិកម្ម រុក្ខាប្រមាញ់ និងនេសាទ អមដំណើរដោយ ឯកឧត្តមរដ្ឋលេខាធិការ អនុរដ្ឋលេខាធិការ ឯកឧត្តមប្រតិភូ ទទួលបន្ទុកជាប្រធានរដ្ឋបាលជលផល ដែលមានការចូលរួមពីលោក ប្រធានមន្ទីរកសិកម្ម រុក្ខាប្រមាញ់​ និងនេសាទ​ ខេត្តពោធិ៍សាត់ ខេត្ត​កំពង់ឆ្នាំង នាយអធិការដ្ឋាន
រដ្ឋបាលជលផលខាងត្បូង​ និងខាងជើងបឹងទន្លេសាប នាយខណ្ឌនិងមន្រ្តី លោក​អភិបាល-អភិបាលរងស្រុកក្រគរ មន្រ្តីបរិស្ថាន កងកំលាំងទាំងបីប្រភេទ បានចុះ
សួរសុខទុក្ខនិងសំណេះសំណាលជាមួយកងកំលាំងឈរជើងនៅទីបញ្ជាការកណ្តាលថ្នាក់ជាតិ នៅ​តំបន់​ អភិរក្សជលផលជ្រោយស្តី ។​ នាឱកាស​នោះ​ ឯកឧត្តមបានណែនាំដល់កំលាំងទាំង​អស់ខិតខំការពារទប់ស្កាត់​និង​បង្ក្រាប​បទល្មើសជលផលអោយអស់ពបឹងទន្លេសាប​និងមានប្រសិទ្ទភាព ។​ បន្ទាប់មក​ ឯកឧត្តមបានបន្តដំណើរទៅ​សួរសុខទុក្ខដល់កំលាំងយាមប្រចាំការនៅកន្លែងអភិរក្សជលផលលេខ៦​ ខេត្តពោធិ៍សាត់​ និងបានចែកអំណោយដល់កំលាំងឈរទាំងពីរទីតាំងមានគ្រឿងឧបភោគ បរិភោគ និងប្រេង​ឥន្ធនៈ​ ។
ក្រោយពីពិសារអាហារថ្ងៃត្រង់រួច​ ឯកឧត្តមបាន​បន្តដំណើរទៅទីបញ្ជាការកណ្តាលថ្នាក់ជាតិ នៅកំពង់ភ្លុកខេត្តសៀមរាប ។