ថ្ងៃពុធ ៤រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២០ ខែមេសា ឆ្នាំ២០២២ លោក ឡាយ វិសាល ប្រធានការិយាល័យរដ្ឋបាល បុគ្គលិករួមជាមួយ លោក ម៉ែន វណ្ណៈ អុនប្រធានការិយាល័យរដ្ឋបាល បុគ្គលិក លោកស្រី សួង កញ្ញា អនុប្រធានការិយាល័យរដ្ឋបាល បុគ្គលិក និងមន្ត្រីការិយាល័យរដ្ឋបាល បុគ្គលិក បានចូលរួម ប្រជុំបង្ហាញពីគម្រោងសហគមន៍តំបន់អភិរក្សការពារស្ទឹងតាចាន់ ភូមិអូរសោម ឃុំអូរសោម និងស្វែងរកការគាំទ្រ របស់អង្គការ ស្ដារកម្ពុជា តាមរយៈប្រព័ន្ធ Zoom Meeting នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ។ គោលបំណងរួមនៃអង្គប្រជុំរួមមាន៖
១.បង្ហាញពីសកម្មភាពគម្រោង ជួយដល់ជីវភាព របស់ប្រជាពលរដ្ឋនៅភូមិអូរសោម តាមរយៈការ
អភិរក្សតំបន់ការពារ នៃប្រព័ន្ធអេកូឡូស៊ី និងប្រភេទសត្វដែលរងការគំរាមកំហែង តាមរយៈការពង្រឹងសមត្ថភាព និងពង្រឹងប្រសិទ្ធភាពនៃសហគមន៍តំបន់ការពារជួរភ្នំក្រវាញ កណ្ដាល ។
២.ស្វែងរកការគាំទ្រសេវាកម្មបច្ចេកទេសកសិកម្ម ទាក់ទងពីមន្ទីរកសិកម្ម ដូចជា: កសិកម្ម-រុក្ខកម្ម និងក្រុមសន្សំប្រាក់ ការដាំបន្លែ ការផ្សំជីកំប៉ុស្ត ដាំឬស្សីផ្អែម ខ្ញី រំដេង ជាដើម។
៣.រៀបចំផែនការនិង ចុះអនុវត្តសកម្មភាព និងសូចនាករកំណត់ ធ្វើយ៉ាងណាបញ្ចប់គម្រោងត្រឹម
បំណាច់ខែកក្កដា ឆ្នាំ២០២៣ ខាងមុខ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម