ថ្ងៃសុក្រ ៦រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹង ថ្ងៃទី២២ ខែមេសា ឆ្នាំ២០២២ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានដឹកនាំអង្គប្រជុំស្ដីពីសេចក្ដីព្រាងទម្រង់របាយការណ៍លទ្ធផលសកម្មភាពការងារ ប្រចាំខែ ស្តីពីការទប់ស្កាត់ និងបង្ក្រាបបទល្មេីសព្រៃឈេី សត្វព្រៃ និងជលផល នៅក្នុងខេត្តពោធិ៍សាត់ មានការចូលរួមពីលោក លោកស្រីអនុប្រធានមន្ទីរ លោក នាយខណ្ឌរដ្ឋបាលជលផល -ខណ្ឌរដ្ឋបាលជលផល លោក ប្រធាន លោក/លោកស្រី អនុប្រធាន និងមន្ត្រី ការិយាល័យរដ្ឋបាល បុគ្គលិក សរុប ១២នាក់/ស្រី ៣នាក់ នៅសាលប្រជុំមន្ទីរកសិកម្ម ខេត្តពោធិ៍សាត់ ។ កិច្ចប្រជុំនេះ ក្នុងគោលបំណង ១.បង្ហាញទម្រង់គម្រូ របាយកាណ៍ និង ២.កំណត់ពេលវេលាផ្តល់របាយការណ៍ពីជំនាញខណ្ឌរដ្ឋបាលជលផល និងព្រៃឈើ និងការទទួលខុសត្រូវ ។ជាលទ្ធផលអង្គប្រជុំបានឯកភាពកំណត់ យ៉ាងយូរបំផុតត្រឹមថ្ងៃទី ២០ បញ្ជូនរបាយការណ៍មកការិយាល័យរដ្ឋបាលបុគ្គលិកនិងបន្ទាប់មក ការិយាល័យត្រូវបូកសរុបរបាយការណ៍សង្ខេប បញ្ជូនទៅរដ្ឋបាលខេត្ត និងក្រសួងកសិកម្ម រុក្ខាប្រមាញ់ និងនេសាទ យ៉ាងយូរបំផុតត្រឹម ថ្ងៃទី២៥ រៀងរាល់ខែ។
