ថ្ងៃអង្គារ៍១០រោច  ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៦ ខែមេសា ឆ្នាំ ២០២២ ក្រុមការងារថ្នាក់ជាតិ បង្ក្រាបបទល្មើសជលផលប្រចាំការ នៅបឹងទន្លេសាបមានទីតាំងនៅកន្លែងអភិរក្សជលផលជ្រោយស្ដី ដឹកនាំដោយ ឧ.ទោ ម៉ែន ស៊ីប៊ន នាយសេនាធិការរងកងរាជអាវុធហត្ថលើផ្ទៃប្រទេស និង ឧ.ត្រី វុទ្ធ ប៊ុនលី  តំណាងអគ្គស្នងការនគរបាលជាតិ កម្លាំងអធិការដ្ឋានរដ្ឋបាលជលផលខាងត្បូងបឹងទន្លេសាប រួមជាមួយអនុគណៈកម្មការ និងក្រុមការងារបង្ក្រាបបទល្មើសជលផលក្នុងខេត្តពោធិ៍សាត់ ដឹកនាំដោយលោក ភុំ វិមល នាយខណ្ឌរដ្ឋបាលជលផលពោធិ៍សាត់ នគរបាលប្រឆាំងបទល្មើសសេដ្ឋកិច្ចខេត្ដ និង កងរាជអាវុធហត្ថខេត្ដ-ស្រុកក្រគរ យោធាខេត្ដ ដែលមានកម្លាំងសរុបចំនួន២១ នាក់ និងកាណូតចំនួន ៥គ្រឿង បានចុះផ្សព្វផ្សាយ និងដកហូតឧបករណ៍ ល្មើសច្បាប់  និងរុះរើរបាំងស្បៃមុងដែលជាឬសគល់បទល្មើសនេសាទ ចាប់ពី ភូមិកំពង់ថ្គោល ឃុំ អន្សាចំបក់ ស្រុកក្រគរ រហូតដល់ព្រំប្រទល់ពោធិ៍សាត់-កំពង់ឆ្នាំងវត្ថុតាង រុះរើ បំផ្លាញ់ចោល និងដកហូតបាន ជាលទ្ធផលបាន ០២ ករណី វត្ថុតាងរួមមាន០១ករណី៖របាំងស្បៃមុង ចំនួន ៣៦ខ្សែ ប្រវែង ៣៦០០ម៉ែត្រ,លូកងស្បៃមុងចំនួន ២៩ មាត់ក្បាលបរ ចំនួន ៣គ្រឿង,បង្គោលចំនួន ១៥០ដើម,ត្រីចំរុះទម្ងន់១៦គីឡូក្រាម០១ករណី និង ដកហូតលបប្រើស១០០ ចំនួន ២៥ ខ្សែ ។ចំពោះវត្ថុតាងទាំងអស់ដែលបានដកហូត ត្រូវយកមករក្សាទុក ដើម្បីបំផ្លាញចោលតាមនិតិវិធី ។