ថ្ងៃពុធ ១១រោច ខែ ចេត្រ ឆ្នាំ ខាល ចត្វាស័ក ព.ស ២៥៦៥ ត្រូវនឹងថ្ងៃទី ២៧ ខែ មេសា ឆ្នាំ ២០២២ លោកស្រី​ ជ័យ​ ចន្នី​ អនុប្រធាន​មន្ទីរ​ កសិកម្ម​ រុក្ខាប្រមាញ់​ និងនេសាទ​ ខេត្តពោធិ៍សាត់​ និងលោកស្រី សាមិត្ត សោភ័ណ អនុប្រធានការិយាល័យផ្សព្វផ្សាយកសិកម្ម បាន​អញ្ជើញ​ចូលរួម សិក្ខាសាលាពិគ្រោះយោបល់ថ្នាក់ជាតិ ស្តីពី "គោលនយោបាយផ្សព្វផ្សាយកសិកម្ម រុក្ខាប្រមាញ់ និងនេសាទ" ក្រោមអធិបតីភាព​ ឯកឧត្តម ចាន់ សារុទ្ធ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ដែលមានអ្នកចូលរួម សរុប ចំនួន ១២០ នាក់ ស្រី ៣០ នាក់​ ។  រៀបចំដោយ នាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ គាំទ្រថវិកាដោយ រាជរដ្ឋាភិបាលកម្ពុជា និងមូលនិធិអន្តរជាតិសម្រាប់អភិវឌ្ឍន៍កសិកម្ម នៅទីស្តីការក្រសួងកសិកម្ម រុក្ខាប្រមាញ់ និងនេសាទ អគារផ្ការំដួល សាលប្រជុំសែនពិដោ ។ ដោយមានការចូលរួមពី​ ឯកឧត្តម ប៉ែន វុឌ្ឍ ទីប្រឹក្សាក្រសួងកសិកម្ម រុក្ខាប្រមាញ់ និងនេសាទ,​ លោកបណ្ឌិត ម៉ែន សារុម ទីប្រឹក្សាគោលនយោបាយ,​ លោកបណ្ឌិត ម៉ៅ មិនា ប្រធាននាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ,​លោក ម៉េង សក្តិភូសិត មន្ត្រីប្រតិបត្តិកម្មវិធីប្រចាំប្រទេសកម្ពុជា ( IFAD) និងលោក លោកស្រីថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទទាំង ២៥ខេត្ត​/ក្រុង ,ក្រុមការងារនាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ, ក្រុមការងារកម្មវិធី ASPIRE , វិស័យឯកជន និងអង្គការដៃគូអភិវឌ្ឃន៍នានា ក្នុងវិស័យកសិកម្ម ។