ថ្ងៃព្រហស្បតិ៍ ១២កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹង ថ្ងៃទី១២ ខែឧសភា ឆ្នាំ២០២២​លោកស្រី ជ័យ ចន្នី អនុប្រធានមន្ទីរកសិកម្ម រុក្ខាប្រមាញ់​ និងនេសាទខេត្តពោធិ៍សាត់​ និង​លោកស្រី​ សូ​ ផាន់ណា អនុប្រធានការិយាល័យកសិឧស្សាហកម្ម បានចូលរួមប្រជុំ ស្តីពីផ្តល់ប្រឹក្សាមតិយោបល់លើការវាយតម្លៃ តម្រូវការនៃគម្រោងស្តារឡើងវិញនូវវិស័យ​ កសិអាហារ​ និងវិស័យទេសចរណ៍ ក្នុងបរិការណ៍កូវីដ១៩ (AFTER​ អាហ្វធើ) របស់អង្គការសហប្រជាជាតិដើម្បីអភិវឌ្ឍន៍ ឧស្សាហកម្ម​ (UNIDO) ។ កិច្ចប្រជុំធ្វើនៅមន្ទីរឧស្សាហកម្ម វិទ្យាសាស្រ្ត បចេ្ចកវិទ្យា​ និង​នវានុវត្តន៍​ ។ ក្រោមការសម្របសម្រួលដោយលោក  ទឹម រុនស៊ីណារិទ្ធិ ទីប្រឹក្សាបច្ចេកទេសនៃគម្រោង ។ កិច្ចប្រជុំ មានគោលបំណងដើម្បីស្វែងយល់ពីសមត្ថភាពដែលចាំបាច់សម្រាប់មន្រ្តីរាជរដ្ធាភិបាលអនុវត្តសកម្មភាពនៃការស្តារឡើងវិញសម្រាប់ទាំងវិស័យ​កសិអាហារ​ និងវិស័យទេសចរណ៍ក្នុងបរិបទកូវីដ១៩ និងបង្កើតជាសំនួរចម្លើយតាមតម្រូវការដែលពាក់ព័ន្ធទៅតាមស្ថាប័ន​ ។​ អ្នកចូលរួមមាន: មន្ទីរទេសចរណ៍ មន្ទីរបរិស្ថាន មន្ទីរឧស្សាហកម្ម និងមន្ទីរកសិកម្ម សរុបចំនួន ៨នាក់ ស្រី៤នាក់​ ។