ថ្ងៃសុក្រ ១៣កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹង ថ្ងៃទី១៣ ខែឧសភា ឆ្នាំ២០២២ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានអញ្ជេីញចូលរួម កិច្ចប្រជុំសាមញ្ញលើកទី១១ ឆ្នាំទី៣ អាណត្តិទី៣ របស់ក្រុមប្រឹក្សាខេត្ត ក្រោមអធិបតីភាព ឯកឧត្ដម ម៉ក់ រ៉ា ប្រធានក្រុមប្រឹក្សា និងលោក ចេង ឡៃ អភិបាលរងខេត្តតំណាង ឯកឧត្ដម ជាវ តាយ អភិបាលនៃគណៈអភិបាលខេត្តពោធិ៍សាត់ នៅសាលប្រជុំសាលាខេត្តពោធិ៍សាត់ដោយបានការអញ្ជើញចូលរួមពី ឯកឧត្ដម លោកជំទាវ សមាជិក សមាជិកា ក្រុមប្រឹក្សាខេត្ត អភិបាលរងខេត្ត លោកនាយក នាយករងរដ្ឋបាលខេត្ត លោកប្រធានសាលាដំបូង ព្រះរាជអាជ្ញា មេបញ្ជាការកងកម្លាំងទាំងបី នាយកទីចាត់ការ ប្រធានអង្គភាពចំណុះសាលាខេត្ត ប្រធានមន្ទីរអង្គភាពជុំវិញខេត្ត និងមន្ត្រីសាលាខេត្ត ជាច្រើនរូបទៀត ។
របៀបវារៈនៃកិច្ចប្រជុំ ពិនិត្យ និងអនុម័តរួមមាន៖
១.សេចក្តីព្រាងកំណត់ហេតុកិច្ចប្រជុំសាមញលើកទី១០ ឆ្នាំទី៣ អាណត្តិទី៣ របស់ក្រុមប្រឹក្សាខេត្ត
២.សេចក្តីព្រាងរបាយការណ៍ប្រចាំខែមេសា ឆ្នាំ២០២២ របស់រដ្ឋបាលខេត្ត
៣.សេចក្តីព្រាងសេចក្តីសម្រចស្តីពីការកែសម្រួលសមាសភាពគណៈកម្មាធិការសម្របសម្រួលបច្ចេកទេស ក្រុមប្រឹក្សាខេត្ត
៤.សេចក្តីព្រាង សេចក្តីសម្រចស្តីពីការកែសម្រួលសមាសភាពគណៈកម្មាធិការពិគ្រោះយោបល់កិច្ចការស្រ្តី និងកុមារ ក្រុមប្រឹក្សាខេត្ត
៥.សេចក្តីព្រាង ការកែសម្រួលសមាសសភាពក្រុមទទួលបន្ទុកព័ត៌មានរដ្ឋបាលខេត្ត
៦.របាយការណ៍គណៈកម្មាធិការនានា របស់ក្រុមប្រឹក្សាខេត្ត
៧.បញ្ហាផ្សេងៗ
