ថ្ងៃចន្ទ ៨រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៣ ខែឧសភា ឆ្នាំ២០២២​ លោក ហៃ ធូរ៉ា អនុប្រធានមន្ទីរកសិកម្ម​ រុក្ខាប្រមាញ់​ និង​នេសាទ​ ខេត្តពោធិ៍សាត់​ រួមជាមួយ លោក ភុំ វិមល នាយខណ្ឌរដ្ឋបាលជលផល បាន​អញ្ជើញ​ចូលរួមកិច្ចប្រជុំត្រួតពិនិត្យ វាយតម្លៃលើការអនុវត្តច្បាប់ ក្នុងការបង្ក្រាបបទល្មើសជលផល ក្នុងដែនខេត្តពោធិ៍សាត់ ស្តិតក្រោមអធិបតីភាព​ ឯកឧត្តម តូច ប៊ុន ហួរ រដ្ឋលេខាធិការ ក្រសួងកសិកម្ម​ និង​ឯកឧត្តម ជាវ តាយ អភិបាល នៃគណៈអភិបាលខេត្តពោធិ៍សាត់ ដោយមានការចូលរួមពីសមាជិកអនុគណៈកម្មការបង្ក្រាបបទល្មើសជលផង​ នៅ​សាលប្រជុំ​សាលា​ ខេត្តពោធិ៍សាត់ ។​ ជាលទ្ធផល​អនុគណៈកម្មការ និងក្រុមការងារចុះទប់ស្កាត់ និងបង្រ្កាបបទល្មើសជលផលក្នុងភូមិសាស្រ្ត ខេត្តពោធិ៍សាត់ សហការជាមួយក្រុមការងារថ្នាក់ជាតិបង្រ្កាបបទល្មើសជលផលប្រចាំការនៅបឹងទន្លេសាប បានចុះអប់រំផ្សព្វផ្សាយទប់ស្កាត់ និងបង្រ្កាបបទល្មើសជលផល ទទួលបានលទ្ធផលដូចខាងក្រោម៖
+បានដកហូត-រឹបអូសវត្ថុតាងបទល្មើសជលផលរួមមានៈ កាណូតសំបកឈើភ្ជាប់ម៉ាស៊ីនឆាយណាចំនួន ០៣គ្រឿង, មងរាយប្រវែង ៦.០០០ម, ធុងក្លាស្សេចំណុះ ៣០០លីត្រចំនួន ០១ធុង និង ៣០លីត្រចំនួន ០១ធុង និងត្រីខូចគុណភាពចំនួន ៤០គីឡូក្រាម ។
+ បំផ្លាញចោលវត្ថុតាងបទល្មើសជលផលរួមមានៈ លូកងស្បៃមុងចំនួន ៣៦គ្រឿង, របាំងស្បៃមុងប្រវែង ២.២០០ម(១៨ខ្សែ), បង្គោលចំនួន ៧៣០ដើម, ចាក់លែងត្រីចំរុះ ៣០គីឡូក្រាម, មងរាយប្រវែង ២.៨០០ម, សម្រាស់មែកឈើ(១៥មx១៥ម)ចំនួន ១០កន្លែង និង(១០មx១០ម)ចំនួន ៣កន្លែង ។