ថ្ងៃសុក្រ ១២រោច ខែពិសាខ ឆ្នាំខាល ចត្វាស័កពស២៥៦៦ ត្រូវនឹងថ្ងៃទី២៧ ខែឧសភា ឆ្នាំ២០២២ លោក ហៃ ធូរ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ រួមមាននាយខណ្ឌ នាយផ្នែក នាយសង្កាត់ជលផល បានចូលរួមកិច្ចប្រជុំត្រួតពិនិត្យលទ្ធផលការងារអនុវត្តកន្លងមក លើការងារពាក់ព័ន្ធដីក្នុងតំបន់៣ ក្នុងភូមិសាស្ត្រខេត្តពោធិ៍សាត់។ ដឹកនាំដោយ ឯកឧត្តម អ៉ិត សុត្ថា រដ្ឋលេខាធិការក្រសួងរៀបចំដែនដី នគររូបនីយកម្ម និងសំណង់ និងឯកឧត្តម ជាវ តាយ អភិបាលនៃគណៈអភិបាល ខេត្តពោធិ៍សាត់ ព្រមទាំងមានការអញ្ជេីញចូលរួមពីអភិបាលរងខេត្ត កងកំលាំងទាំងបី អភិបាលស្រុក មន្ទីរជំនាញ និងអាជ្ញាធរពាក់ព័ន្ធជុំវិញបឹងទន្លេសាប។
