ថ្ងៃសៅរ៍ ៤រោច ខែជេស្ឋ ឆ្នាំខាល ចត្វាស័ក ព. ស. ២៥៦៦ ត្រូវនឹងថ្ងៃទី១៨ ខែមិថុនា ឆ្នាំ២០២២ លោក ភុំ វិមល នាយខណ្ឌរដ្ឋបាលជលផលពោធិ៍សាត់​ បានអញ្ជេីញ​ចូលរួម​ក្នុងកិច្ចប្រជុំពិភាក្សា ពង្រឹងប្រសិទ្ធភាព  បន្តលើការបង្រ្កាបបទល្មើសជលផល និងការងារ​មួយចំនួន ទាក់ទងនឹងជីវភាពអ្នកនេសាទភូមិបណ្ដែតទឹក​ នៅសាលាឃុំកំពង់លួង ក្រោមអធិបតីភាព លោក​ មិត្រ សុខសុភ័ក្រ នាយអធិការដ្ឋានរដ្ឋបាលជលផលខាងត្បូងបឹងទន្លេសាប តំណាង ឯកឧត្តម ពុំ ស៊ីថា ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល 
មានការចូលរួម លោកឧត្តមសេនីយ៍ទោ 
ជា សំណាង ប្រធានក្រុមការងារអន្តរាគមន៍  លោកវរសេនីយ៍ឯក សុខ ជា តំណាងអគ្គស្នងការនគរបាលជាតិ  លោក លីវ សេងហ៊ី អភិបាលស្រុកក្រគរ លោកនាយរងអធិការដ្ឋានរដ្ឋបាលជលផលខាងត្បូងបឹងទន្លេសាប  លោកនាយផ្នែក លោកនាយសង្កាត់កំពង់លួង កងរាជអាវុធហត្ថស្រុកក្រគរ
អធិដ្ឋាននរគបាលស្រុកក្រគរ ប៉ុស្តិ៍នរគបាលរដ្ឋបាលឃុំកំពង់លួង លោកមេឃុំកំពង់លួង និងអាជ្ញាធរឃុំកំពង់លួង។