ថ្ងៃពុធ ១កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៩ ខែមិថុនា ឆ្នាំ២០២២ លោកឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ លោក ហៃ ធូរ៉ា អនុប្រធានមន្ទីរ លោក ឡាយ វិសាល ប្រធានការិយាល័យរដ្ឋបាល បុគ្គលិក នៃមន្ទីរកសិកម្ម នៅសាលប្រជុំ មន្ទីរកសិកម្ម មានការជួបសំដែងការគួរសម និងពិភាក្សាការងារជាមួយក្រុមការងារ JIRCAS ដែលដឹកនាំដោយលោក Izumi Taro អំពីគម្រោង "ស្រោចស្រពទឹកកសិកម្ម ការធ្វេីស្រូវបង្គោក" ដេីម្បីបង្កេីតទិន្នផលស្រូវ ក្នុងនោះក្រុមការងារបានជ្រេីសរេីស ស្រុកបាកាន ដេីម្បីសាកល្បងពិសោធន៍លេីផ្ទៃដីចំនួន ២៥អា និងបន្តរហូតដល់ ៦០ ហិចតា សម្រាប់ឆ្នាំទី១ ដែលនឹងត្រូវចាប់ផ្ដេីមពី ខែកញ្ញា ឆ្នាំ២០២២ តទៅ គម្រោងនេះគាំទ្រថវិការដោយ មជ្ឈមណ្ឌលស្រាវជ្រាវ អន្តរជាតិ ជប៉ុន សម្រាប់វិទ្យាសាស្រ្តកសិកម្ម ដែលមានសមាសភាពចូលរួមសរុប ៩ រូប ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម