ថ្ងៃសុក្រ ៣កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១ ខែកក្កដា ឆ្នាំ២០២២ លោក ហៃ ធូរ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានអញ្ជេីញចូលរួមកិច្ចប្រជុំអប់រំផ្សព្វផ្សាយស្ដីពីការរៀបចំចុះបញ្ជីដីព្រៃសហគមន៍ នៅសាលាឃុំ ស្នាមព្រះ ។ ក្រោមអធិបតីភាព លោក ផាយ ឡេង អភិបាលស្រុកបាកាន និងមានការចូលរួម លោក ឡាយ វិសាលប្រធានការិយាល័យរដ្ឋបាល បុគ្គលិក នៃមន្ទីរកសិកម្ម លោក ប៉ុល ចាន់ថា នាយផ្នែករដ្ឋបាលព្រៃឈេីក្រគរ លោក ពិន សង្គមឧត្តម នាយសង្កាត់រដ្ឋបាលព្រៃឈេីបាកាន លោក ប្រធានការិយាល័យសុរិយោដី ស្រុកបាកាន ក្រុមប្រឹក្សាស្នាមព្រះ លោក ប្រធានភូមិ ប្រធានសហគមន៍ ទាំងបួន សហគមន៍ព្រៃឈេីកំពែង ស្វាយ, អារ៉ែង, ក្រពើរោទ៍ និងសហគមន៍ព្រៃឈេីជេីងភ្លេីង ព្រមទាំងបងប្អូនប្រជាពលរដ្ឋដែលមានការពាក់ព័ន្ធចំនួន ៣៨គ្រួសារ ប្រមាណ ៤៣ក្បាលដី ស្មេីរនឹងទំហុំដី ៥៣ហិកតា ដែលមាននាក់ចូលរួមសរុប ៥៥នាក់ ។
កិច្ចប្រជុំ អប់រំ ផ្សព្វផ្សាយ រកដំណោះស្រាយជូនប្រជាពលរដ្ឋក្នុងការចេញប័ណ្ណកម្មសិទ្ធិកាន់កាប់ដីធ្លីស្របច្បាប់ជូនពួកគាត់គឺ៖
- ធ្វេីជូនតែដីណាដែលគ្មានទំនាស់
- ដីប្រជាពលរដ្ឋដែលមិនមានពាក់ព័ន្ធដីរដ្ឋ
- ដីប្រជាពលរដ្ឋដែលមានពាក់ព័ន្ធដីរបស់រដ្ឋ និងផ្លូវទឹករបស់រដ្ឋ ត្រូវកាត់ឆ្វៀវចេញទុកជាសម្បត្តិរដ្ឋវិញទេីបអាចចេញប័ណ្ណកម្មសិទ្ធិជូនបាន ។
ចំពោះការធ្វេីប័ណ្ណកម្មសិទ្ធិនេះដែរត្រូវមាន ៥ ដំណាក់កាលដូចខាងក្រោម៖
១ ប្រជុំផ្សព្វផ្សាយ
២ ការចុះអង្កេតវាស់វែង
៣ ការបិតផ្សាយពាក់ព័ន្ធទីតាំង និងទំហុំដី
៤ ការសម្រេចផ្ដល់ប្លង់ជូន ត្រូវបានចេញដោយអភិបាលខេត្ត
៥ ចំណែកប័ណ្ណកម្មសិទ្ធិត្រូវបានបោះពុម្ពដោយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ។
