ថ្ងៃព្រហស្បតិ៍ ៩កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៧ ខែកក្កដា ឆ្នាំ២០២២ លោកស្រី ជ័យ ចន្នី អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ និងក្រុមបណ្តាញសមាគមនារី កម្ពុជាដើម្បីសន្តិភាព និងអភិវឌ្ឃន៍នៃមន្ទីរកសិកម្ម បានអញ្ជេីញចូលរួមកម្មវិធី ប្រគេនទៀន ចំណាំព្រះវស្សា នៅវត្ត ឯការាម ហៅវត្ត ឯក ដែលស្ថិតនៅក្នុងសង្កាត់ រលាប ក្រុងពោធិ៍សាត់, វត្ត ហឹង្សាបីតិ ហៅវត្តព្រែកស្តី ស្ថិតនៅក្នុងសង្កាត់ លលកស ក្រុងពោធិ៍សាត់ និង បូជនីយដ្ឋានប្រវត្តិសាស្រ្ត លោកឧកញ៉ាឃ្លាំងមឿង ដែលដឹកនាំដោយ លោកជំទាវ ឯម ប៉ុណ្ណា សមាជិកគណ:កម្មការថ្នាក់កណ្តាល ដោយមានការចូលរួមពី លោកជំទាវ គណ:កម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឃន៍ខេត្ត, លោកស្រី ប្រធានអនុប្រធាន និងសមាជិកបណ្តាញសមាគមនារី នៃមន្ទីរពាក់ព័ន្ធជុំវិញខេត្ត សរុបចំនួន ៣៧ នាក់ ។ នាឱកាសនោះដែរ លោកជំទាវ ឯម ប៉ុណ្ណា និងក្រុមសមាគមនារីទាំងអស់បានប្រគេន ជូននូវទៀនព្រះវស្សា ធំ០១គូរ ធូប គ្រឿងឧបភោគ បរិភោគមួយចំនួន ដូចជា: អង្ករ មី ទឹកត្រី ទឹកសុីអុីវ សៀង ទឹកបរិសុទ្ធ តែ ស្ក ជាដើម និង ថវិកា មួយចំនួនទៀត ។
