ថ្ងៃសុក្រ ១០កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៨ ខែកក្កដា ឆ្នាំ២០២២ លោកស្រី ជ័យ ចន្នី អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ និងក្រុមការងារបានចុះត្រួតពិនិត្យស្ថានភាពការដាំដុះដំណាំឪឡឹករបស់កសិករនៅតាមចំការក្នុងភូមិសន្លុង ឃុំស្វាយលួង ស្រុកកណ្តៀង ខេត្តពោធិ៍សាត់ ។ តាមការរៀបរាប់របស់ កសិករ អ៊ុន មីណា ភេទប្រុស អាយុ ៤៧ឆ្នាំ រស់នៅភូមិសន្លុង ឃុំស្វាយលួង ស្រុកកណ្តៀង ខេត្តពោធិ៍សាត់ មានដាំដំណាំ ឪឡឹកសាច់ពណ៌លឿង និងទឹកក្រូច លើផ្ទៃដី១០អា កំពុងប្រមូលផលបណ្តើរៗ ។ កសិករបានបញ្ជាក់ប្រាប់ក្រុមការងារអោយដឹងថាតាមបទពិសោធន៍គាត់ កន្លងមក ដំណាំនេះអាចប្រមូលផលបានសរុប ២.៥០០គីឡូក្រាម លើផ្ទៃដី១០អា និងលក់ចេញក្នុងតំលៃ ២.០០០រៀល ក្នុង១គីឡូក្រាម អាចរកប្រាក់ចំណូលបានសរុប ៥.០០០.០០០រៀល ក្នុងមួយវគ្គនៃការប្រមូលផល ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម