ថ្ងៃសៅរ៍ ១១កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៩ ខែកក្កដា ឆ្នាំ២០២២ នៅសាលាឃុំរាំងទិល បានបើកកិច្ចប្រជុំ​ សំណេះសំណាលជាមួយប្រជានេសាទនៅឃុំរាំងទិល ក្រោមអធិបតីភាព លោក ឆាយ គឹមម៉ុង អភិបាលស្រុកកណ្ដៀង ដោយមានការចូលរួម នាយរងសង្កាត់ជលផលកណ្ដៀង អធិការស្រុក ប៉េអឹមស្រុក យោធាស្រុក ប៉ូលីស​សេដ្ឋកិច្ច បរិស្ថាន លោកស្រីមេឃុំ និងប្រជានេសាទ អ្នកចូលរួមសរុប ៦០ នាក់។ នៅក្នុងកិច្ចប្រជុំនេះដែរ លោក ហម ណារិន នាយរងសង្កាត់ បានអាន​ប្រកាសលេខ ៤៥៨ ប្រក.កសក ជូនអង្គប្រជុំ។
ប្រជានេសាទបានសំណូមពរដូចខាងក្រោម៖
-​ នេសាទដោយឧបករណ៍ ណរ៉ាវប្រវែង ៣០០ ម៉ែត្រ ក្រឡា ០,០២ ម៉ែត្រ
-​ សម្រាស់ (ឆាណុំ,កំប្លោក)
-​ បង្រៀនបច្ចេកទេសចិញ្ចឹមត្រី។
ការសំណូមពរទាំងនេះ​ អង្គប្រជុំពុំហ៊ានសម្រេចទេ​ ។
ជាចុងក្រោយ លោកអភិបាលស្រុក បានមានមតិ
ណែនាំ ដល់ប្រជានេសាទអោយគោរពច្បាប់ស្ដីពីជលផល និងពាំនាំសំណើរនេះ​ ទៅស្នើដល់ថ្នាក់លើបន្ត​ ។