ថ្ងៃពុធ ៧រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២០ ខែកក្កដា ឆ្នាំ២០២២ លោកស្រី ជ័យ ចន្នី អនុប្រធានមន្ទីរកសិកម្មរុក្ខាប្រមាញ់ និងនេសាទ ខេត្តពោធិ៍សាត់ និងក្រុមការងារបានចុះត្រួតពិនិត្យស្ថានភាពការដាំដុះដំណាំឪឡឹករបស់កសិករឈ្មោះ វៀង នឿ ភេទស្រី អាយុ៤៩ឆ្នំា ដែលស្ថិតនៅក្នុងភូមិធ្នោះតាចាប ឃុំស្នាមព្រះ ស្រុកបាកាន ខេត្តពោធិ៍សាត់។ នៅក្នុងចំការកសិករបានដាំដំណាំឪឡឹកសាច់ពណ៌លឿង លើផ្ទៃដី១០អា កំពុងប្រមូលផលបណ្តើរៗចំនួន ៥អា ។ កសិករបានបញ្ជាក់ប្រាប់ក្រុមការងារអោយដឹងថា ដំណាំនេះប្រមូលផលបានសរុប៦០០គ.កហើយ និងលក់ចេញក្នុងតំលៃ ២.០០០រៀល/គ.ក និងរកចំណូលបានសរុប ១.២០០.០០០រៀល។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម