ថ្ងៃចន្ទ ១២រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៥ ខែកក្កដា ឆ្នាំ២០២២ លោក ផាត់ សារុន ប្រធានការិយាល័យផលិតកម្ម និងបសុព្យាបាល បានដឹកនាំប្រជុំ៖
១ ក្រុមការងារឡជីវឧស្ម័នខេត្ត អាណត្តិប្រចាំ ខែកក្កដា ឆ្នាំ២០២២ ដើម្បីបូកសរុបលទ្ធផល ដោះស្រាយបញ្ហាប្រឈម និងដាក់ផែនការអនុវត្តបន្ត ។
- លទ្ធផលការសាងសង់ឡសម្រាប់ខែនេះសម្រេចបានចំនួន ១០ឡ (ក្នុងផែនការ ៧ឡ)
- បានពង្រឹងអំពីបច្ចេកទេសសាងសង់ និងគុណភាពឡសំខាន់
- ការរំពឹងទុកសម្រាប់ខែសីហា ឆ្នាំ២០២២ នឹងគ្រប់ផែនការ ០៧ឡ ។
២ ជួបប្រជុំមន្ត្រីដែលជាភ្នាក់ងារត្រួតពិនិត្យអនាម័យសត្វសាច់ ផលិផលសត្វ និងជាអ្នកប្រមូលចំណូលកម្រៃសេវារដ្ឋបាលនៅតាមទីសត្តឃាតដ្ឋាន( បង់ចូលច្រកចេញ ចូល ខេត្ត) រៀបចំផែនការចុះប្រជុំអាជីវករពិឃាតសត្វ ដើម្បីពង្រឹងការអនុវត្តអនុក្រឹត្យលេខ ១០៨ អនក្រ.បក និងសេចក្តីណែនាំអន្តរក្រសួងលេខ ៣២៧ សណន.កសក នៅតាមបណ្តាឃាតដ្ឋានស្រុក ក្រុងដែលមានខ្លឹមសារ៖
- អនុវត្តការដាក់ពាក្យស្នើសុំពិឃាតសត្វ និងការចេញ វិញ្ញាបនបត្រអនាម័យសាច់ ផលិតផល ពីសត្តឃាតដ្ឋាន
- ពង្រឹងការត្រួតពិនិត្យសត្វរស់ សាច់និងការបោះត្រាផ្ទាំងសាច់
- ការងាររបាយការណ៍ និងឯកសារផ្សេងៗ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម