ថ្ងៃអង្គារ ១២កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៩ ខែសីហា ឆ្នាំ២០២២ ផ្នែករដ្ឋបាលជលផល រាំងទិលបានចុះសហការជាមួយមន្រ្តីប៉ុស្តិ៍មេទឹកក្រុមប្រឹក្សាឃុំមេទឹក ប្រធានសហគមន៍ចិន្តាយ និងប្រធានសហគមន៍សំរោងមុខយក្ស បានចុះពិនិត្យជាក់ស្តែង នៅចំណុចចម្ងាយ៤០០ម ខាងលិច
បឹងកំពីងពួយ ស្ថិតនៅភូមិត្រាង ឃុំមេទឹក ស្រុកបាកាន មានសកម្មភាពលួចទន្ទ្រាន ឈូសឆាយភ្ជួររានដីព្រៃលិចទឹក (ដីតំបន់៣) តាមការចុះពិនិត្យជាក់ស្តែងឃើញមានការលួចឈូសឆាយដីព្រៃថ្មីសរុបប្រមាណទំហុំ ២ហិចតា ។
- ផ្នែករដ្ឋបាលជលផលបានសហការជាមួយលោកមេភូមិព្រៃក្របៅ ដើម្បីស្រាវជ្រាវកំណត់មុខរកជនសង្ស័យដែលបានលួចឈូសឆាយ រានភ្ជួរដីព្រៃលិចទឹកដើម្បីបង្ករកំណត់ហេតុបទល្មើសជលផលបញ្ចូនទៅតុលាការ អនុវត្តតាមនីតិវិធីច្បាប់ស្តីពីជលផល ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម