ថ្ងៃពុធ ១៣កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១០ ខែសីហា ឆ្នាំ២០២២ ក្រុមការងារខណ្ឌរដ្ឋបាលជលផលពោធិ៍សាត់ នៃមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ដឹកនាំដោយ លោក ភុន សុវណ្ណា នាយផ្នែកក្រគរ រួមមាន លោកនាយ/នាយរងសង្កាត់ជលផលកណ្ដៀង សហការណ៍ជាមួយ ក្រុមការងារថ្នាក់ជាតិបង្ក្រាបបទល្មើសជលផលប្រចាំការ នៅបឹងទន្លេសាបមានទីតាំងនៅកន្លែងអភិរក្សជលផលជ្រោយស្ដី ដឹកនាំដោយ ឧត្តមសេនីយ៍ទោ ម៉ែន ស៊ីប៊ន នាយសេនាធិការរងកងរាជ អាវុធហត្ថលើផ្ទៃប្រទេស និងឧត្តមសេនីយ៍ទោ ខ្វាន់ ប៊ុនធឿន
តំណាងអគ្គស្នងការនគរបាលជាតិ កម្លាំងអធិ
ការដ្ឋានរដ្ឋបាលជលផលខាងត្បូងបឹងទន្លេសាប កងរាជអាវុធហត្ថស្រុកកណ្ដៀង កម្លាំងនគរបាល ប្រឆាំងបទល្មើសសេដ្ឋកិច្ចខេត្ត និងសហគមន៍នេសាទ ដែលមានកម្លាំងសរុបចំនួន ៣៥នាក់ និងកាណូតចំនួន ៥គ្រឿង បានចុះល្បាតចាប់ពីជ្រោយវែង ដល់ចារុះ និងបានបង្ក្រាបបទល្មើសនេសាទពីព្រែកកំពង់គុជ រហូតដល់ចារុះ ឃុំរាំងទិល ស្រុកកណ្ដៀង ខេត្តពោធិ៍សាត់ ។ ជាលទ្ធផលបានចំនួន ០២ ករណី វត្ថុតាងរុះរើ និងបំផ្លាញ់ចោល រួមមាន ៖
- របាំងសាច់អួនក្រឡាល្អិត ចំនួន ៣ខ្សែ ប្រវែង ១.៤០០ ម៉ែត្រ
- ក្បាលបរ ចំនួន ១១គ្រឿង
- របាំងស្បៃមុងចំនួន ១០ ខ្សែ ប្រវែង ៣.៧០០ ម៉ែត្រ
- លូកងស្បៃមុងចំនួន ០៩ មាត់
- បង្គោល ចំនួន ១.០២០ដើម
- ចាក់លែងត្រីចំរុះទម្ងន់ ៣២ គីឡូក្រាម ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម