ថ្ងៃចន្ទ ៣រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៥ ខែសីហា ឆ្នាំ២០២២ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានជួបប្រជុំពិភាក្សាស្ដីពីសំណើសុំអនុញ្ញាតបញ្ជូនបុគ្គលិក និងនិស្សិត ចំនួន ០៥ រូប ចុះប្រមូលព័ត៌មានស្ដីពីខ្សែច្រវ៉ាក់តម្លៃនៃ ដំណាំស្រូវ នៅក្នុងខេត្តពោធិ៍សាត់។ ដោយមានសមាសភាពចូលរួមពី លោក ឡាយ វិសាល ប្រធានការិយាល័យរដ្ឋបាល បុគ្គលិក លោក ហ៊ៅ ចាន់ដារា ប្រធានការិយាល័យ កសិឧស្សាហកម្ម និង និស្សិតមកពីមហាវិទ្យាល័យ កសិឧស្សាហកម្ម នៃសាកលវិទ្យាល័យភូមិន្ទកសិកម្ម នឹងធ្វើការចុះប្រមូលព័ត៌មានពីខ្សែច្រវ៉ាក់តម្លៃនៃដំណាំស្រូវ ជាមួយមន្ត្រីកសិកម្ម សមាគមកសិកម្ម អ្នកប្រមូលទិញ រោងម៉ាស៊ីន អ្នកបោះដុំ អ្នកលក់រាយ កសិករ និងអ្នកលក់ធាតុចូល ដើម្បីយកមក សិក្សាស្រាវជ្រាវ ។ ការចុះប្រមូលព័ត៌មាននេះ មានរយៈពេលចំនួន ៣ថ្ងៃ និងមានសមាសភាព ដូចខាងក្រោម៖
លោក លី វិសុទ្ធ គ្រូស្ម័គ្រចិត្ត មហាវិទ្យាល័យ កសិឧស្សាហកម្ម, លោក សិច វិភុធ, កញ្ញា បេន រស្មី, កញ្ញា នាក់ ឆៃយ៉ា និងកញ្ញា មុំ ចន្ថា និស្សិត មហាវិទ្យាល័យ កសិឧស្សាហកម្ម សរុបនាក់ចូលរួម ៨នាក់ ។
