ថ្ងៃពុធ ៥រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៧ ខែសីហា ឆ្នាំ២០២២ លោក សៅ វណ្ណៈ ប្រធានការិយាល័យអភិវឌ្ឍន៍សហគមន៍ នៃមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ និងសង្កាត់រដ្ឋបាលព្រៃឈើសំរោង ដោយមានការចូលរួមពី ផ្នែករដ្ឋបាលព្រៃឈើក្រវាញខណ្ឌរដ្ឋបាលព្រៃឈើពោធិ៍សាត់ ជាមួយអង្គការព្រហ្មវិហារធម៌ ក្រុមប្រឹក្សាឃុំ មេភូមិ និងគណៈកម្មការសហគមន៍ព្រៃឈើចំនួនបីសហគមន៍រួមមាន៖
១- សហគមន៍ព្រៃឈើព្រែក១
២- សហគមន៍ព្រៃឈើសាលា រគោ ភូមិអង្គ្រង
៣- សហគមន៍ព្រៃឈើរវាង
បានបើកកិច្ចប្រជុំនៅសាលាឃុំសំរោង ដើម្បីអនុវត្តគម្រោងស្ដីពី ការរួមគ្នា ការពង្រឹង គ្រប់គ្រង សហគមន៍ព្រៃឈើប្រកបដោយចីរភាព ដើម្បីលើកកម្ពស់បរិស្ថាន និងធនធានធម្មជាតិ ព្រមទាំងបង្កើតសន្តិសុខស្បៀងអោយរីកចំរើន ។ អនុវត្តដោយ (អង្គការព្រហ្មវិហាធ៌ម) និងគាំទ្រថវិកាដោយ (GEF SGP UNDP) សមាសភាពចូលរួមមានចំនួន ៣៣ នាក់ ស្រី ៦នាក់ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម