ថ្ងៃអង្គារ ៤រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៦ ខែសីហា ឆ្នាំ២០២២ ខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ លោក ភុន សុវណ្ណា នាយផ្នែកក្រគរ រួមមាន  លោកនាយសង្កាត់ សហការជាមួយ ក្រុមការងារថ្នាក់ជាតិ បង្ក្រាបបទល្មើសជលផលប្រចាំការ នៅបឹងទន្លេសាបមានទីតាំងនៅកន្លែងអភិរក្សជលផលជ្រោយស្ដី ដឹកនាំដោយ ឧត្តមសេនីយ៍​ទោ ម៉ែន ស៊ីប៊ន នាយសេនាធិការរងកងរាជអាវុធហត្ថលើផ្ទៃប្រទេស និង ឧត្តមសេនីយ៍​ទោ​ ខ្វាន់ ប៊ុនធឿន តំណាងអគ្គស្នងការនគរបាលជាតិ​ លោក ខាត់ ពុយ អភិបាលរងស្រុកក្រគរ រួមមាន​ កម្លាំងអធិការដ្ឋានរដ្ឋបាលជលផលខាងត្បូងបឹងទន្លេសាប កងរាជអាវុធហត្ថខេត្ដ-ស្រុកក្រគរ បរិស្ថាន ដែលមានកម្លាំងសរុបចំនួន ៤១នាក់ និងកាណូតចំនួន ៥គ្រឿង បានចុះល្បាត និងបង្ក្រាបបទល្មើសនេសាទ ចាប់ពីឃុំកំពង់លួង រហូតដល់ ព្រំប្រទល់ខេត្ដ ពោធិ៍សាត់-កំពង់ឆ្នាំង
វត្ថុតាង រុះរើ បំផ្លាញចោល ជាលទ្ធផលបាន០២ ករណី 
វត្ថុតាងរួមមានៈ
- របាំងសាច់អួនក្រឡាល្អិត ចំនួន១១ ខ្សែ ប្រវែង ៣.៣០០ម៉ែត្រ
- ក្បាលបរ ចំនួន ៨គ្រឿង
- លូកង ចំនួន ៤គ្រឿង
- របាំងស្បៃមុង ចំនួន ៦ខ្សែ ប្រវែង ១.០៥០ម៉ែត្រ
- លូកងស្បៃមុងចំនួន ៤គ្រឿង
- បង្គោល ចំនួន ៧៥០ដើម
- ត្រីចំរុះទម្ងន់ ២៥០គីឡូក្រាម​ ។