ថ្ងៃចន្ទ ១០រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២២ ខែសីហា ឆ្នាំ២០២២ លោកស្រី ជ័យ ចន្នី អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានអញ្ជេីញចូលរួមសិក្ខាសាលា សមាហរណកម្ម កម្មវិធីវិនិយោគ បីឆ្នាំរំកិល ២០២២-២០២៥ ស្រុក ឃុំ ឆ្នាំ ២០២២ នៅសាលាស្រុកកណ្តៀង ក្រោមអធិបតីភាព ឯកឧត្តម ចេង ឡៃ អភិបាលនៃគណៈអភិបាលខេត្តស្តីទី តំណាង ឯកឧត្តម ជាវ តាយ អភិបាលនៃគណៈអភិបាល ខេត្តពោធិ៍សាត់ ភ្ញៀវដែលអញ្ជើញចូលរួមនាឱកាសនោះរួមមាន៖ លោក សុខ លីមុត ប្រធានក្រុមប្រឹក្សាស្រុក លោក អភិបាលស្រុកកណ្តៀង លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត, លោក លោកស្រីក្រុមប្រឹក្សាស្រុក, សមាជិកក្រុមប្រឹក្សាស្រុក, ការិយាល័យចំណុះរដ្ឋបាលស្រុក, លោក លោកស្រី នាយក នាយករងស្រុក, លោក លោកស្រី តំណាង អង្គការដៃគូក្នុងស្រុក, កងកម្លាំងប្រដាប់អាវុធទាំងបី,ប្រធាន ក្រុមប្រឹក្សាឃុំ និងស្មៀនឃុំទាំង៩ឃុំ ក្នុងស្រុកកណ្តៀង ដែលមានអ្នកចូលរួមសរុបចំនួន ១១៤នាក់ ស្រី ៣៧ នាក់ ។ សិក្ខាសាលាក្នុងគោលបំណង ៖
១-តំរង់ទិសគម្រោងសកម្មភាពអភិវឌ្ឍន៍ដែលស្នេីឡើងដោយឃុំ អោយបានសុីសង្វាក់ទៅនឹងគោលនយោបាយយុទ្ធសាស្ត្រ និងសកម្មភាពនានា របស់មន្ទីរជំនាញ និងបណ្តាអង្គការផ្សេងៗ ។
២-ដើម្បីកៀរគរប្រមូលផ្តុំប្រភពធនធាន សម្រាប់គាំទ្រកិច្ចអភិវឌ្ឍន៍មូលដ្ឋាន ។
ជាលទ្ធផលនៃអង្គសិក្ខាសាលា នេះឃើញតាមបណ្តាមន្ទីរ និងអង្គការ ក្នុងស្រុកមួយចំនួនបានធ្វើការចូលរួមគាំទ្រគម្រោងជាច្រើនរបស់ ឃុំមួយចំនួនដែរ ។
