ថ្ងៃពុធ ១២រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៤ ខែសីហា ឆ្នាំ២០២២
លោក សៅ វណ្ណៈ ប្រធានការិយាល័យអភិវឌ្ឍន៍សហគមន៍ បានអញ្ជេីញចូលរួមសិក្ខាសាលាសមាហរណកម្ម កម្មវិធីវិនិយោគ បីឆ្នាំរំកិល ២០២៣-២០២៥ នៅសាលាស្រុកភ្នំក្រវាញ ក្រោមអធិបតីភាព ឯកឧត្តម ចេង ឡៃ អភិបាលនៃគណ:អភិបាលខេត្តស្តីទី តំណាង ឯកឧត្តម ជាវ តាយ អភិបាលនៃគណ:អភិបាលខេត្តពោធិ៍សាត់ ភ្ញៀវដែលអញ្ជើញចូលរួមនាឱកាសនោះរួមមាន៖ លោក ប្រធានក្រុមប្រឹក្សាស្រុក លោកអភិបាលស្រុកភ្នំក្រវាញ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត ,លោក លោកស្រីក្រុមប្រឹក្សាស្រុក,សមាជិកក្រុមប្រឹក្សាស្រុក,ការិយាល័យចំណុះរដ្ឋបាលស្រុក,លោក លោកស្រី នាយក នាយករងស្រុក,លោក លោកស្រី តំណាង អង្គការដៃគូក្នុងស្រុក,ក្នុងកម្លាំងប្រដាប់អាវុធទាំងបី,ប្រធាន ក្រុមប្រឹក្សាឃុំ និងស្មៀនឃុំទាំង៩ឃុំ ក្នុងស្រុកកណ្តៀង ដែលមានអ្នកចូលរួមសរុបចំនួន ១០២នាក់ ស្រី ៣១នាក់ ។ សិក្ខាសាលាក្នុងគោលបំណង ៖
១-តំរង់ទិសគម្រោងសកម្មភាពអភិវឌ្ឍន៍ដែលស្មើឡើងដោយឃុំ អោយបានសុីសង្វាក់ទៅនឹងគោលនយោបាយយុទ្ធសាស្ត្រ និងសកម្មភាពនានា របស់មន្ទីរជំនាញ និងបណ្តាអង្គការផ្សេងៗ។
២-ដើម្បីកៀរគរប្រមូលផ្តុំប្រភពធនធាន សម្រាប់គាំទ្រកិច្ចអភិវឌ្ឍន៍មូលដ្ឋាន។
ជាលទ្ធផលនៃអង្គសិក្ខាសាលា នេះឃើញមានតាមបណ្តាមន្ទីរ និងអង្គការ ក្នុងស្រុកមួយចំនួនបានធ្វើការចូលរួមគាំទ្រគម្រោងជាច្រើនរបស់ ឃុំមួយចំនួនដែរ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម