ថ្ងៃសុក្រ ១៤រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៦ ខែសីហា ឆ្នាំ២០២២​ លោក ផាត់ សារុន ប្រធានការិយាល័យផលិតកម្ម និងបសុព្យាបាល និងមន្រ្តី បានចុះឃុំតាលោ ស្រុកតាលោសែនជ័យ ដើម្បីប្រជុំជាមួយភ្នាក់ងាសុខភាពសត្វភូមិ ក្នុងឃុំតាលោ និងមានការចូលរួមពីលោក សរ អ៊ុន ក្រុមប្រឹក្សាឃុំតាលោ និង ភ្នាក់ងារសុខភាពសត្វភូមិសរុប ១៥ នាក់ ចំនួន​ ២២ភូមិ។
គោលបំណងនៃកិច្ចប្រជុំមានជារួម:
- ពង្រឹងការទំនាក់ទំនង សហការការងារ និងសកម្មភាពការងារ ជំនាញជាមួយរដ្ឋអំណាចមូលដ្ឋានជានិរន្ត ។
- ការរាយការណ៍ករណីមានសត្វឈឺឬផ្ទុះជំងឺសត្វឲ្យបានទាន់ពេលវេលា(បច្ចុប្បន្នស្ថានភាពជំងឺសត្វទូទាំងឃុំមិនមានបញ្ហាឡើយ )
- រៀបចំផែនការ​ កម្មវិធីចុះយុទ្ធនាការចាក់វ៉ាក់សាំងសារទឹកគោក្របីទូទាំង ឃុំតាលោ (២២ភូមិ) ចាប់ពីថ្ងៃទី ៣០ ខែសីហាឆ្នាំ២០២២តទៅ ចែកចេញ ជា ៥ ក្រុម និង បានផ្តល់ថ្នាំព្យាបាលសត្វ ថ្នាំសម្លាប់មេរោគ និងម្ជុលមួយចំនួនដល់ភ្នាក់សុខភាពសត្វភូមិ។
ក្នុងពេលជាមួយគ្នានោះដែរ លោក ផាត់ សារុន បាន បន្តចុះជួបកសិករចិញ្ចឹមគោនិងដាំស្មៅចំណីសត្វដើម្បីលើកទឹកចិត្តនិងជម្រុញ ការចិញ្ចឹមសត្វ ស្ថិតនៅភូមិព្រៃវាំង ឃុំតាលោ ស្រុកតាលោ។